મધ્યપ્રદેશના ચિંતામન જવસિયા પંચાયતની સરપંચ ૨૧ વર્ષિય ન્યુઝ એન્કર બની

મધ્યપ્રદેશના ઉજ્જૈન જિલ્લામાં માત્ર ૨૧ વર્ષની લક્ષિકા ડાગર તેના ગામની સરપંચ બની છે. એવો દાવો કરવામાં આવી રહ્યો છે કે તેઓ ચિંતામન જવસિયા પંચાયતમાં સરપંચની ચૂંટણીમાં ૪૮૭ મતોથી જીતી છે. જાે કે રાજ્ય ચૂંટણી પંચે હજુ સુધી તેમને વિજયનું પ્રમાણપત્ર આપ્યું નથી. હવે તેમના ગામ-ઘરમાં ઉત્સાહનો માહોલ છે.
ઉજ્જૈન જિલ્લાના તહસીલ અને ગ્રામ પંચાયત ચિંતામન જવસિયાના રહેવાસી દિલીપ ડાગર જિલ્લા સહકારી કેન્દ્રીય બેંકમાં પ્રાદેશિક અધિકારી છે. તેમની ૨૧ વર્ષની પુત્રી લક્ષિકા ડાગરે ચૂંટણીમાં તેમની ૮ મહિલા પ્રતિસ્પર્ધી મહિલા ઉમેદવારોને હરાવ્યા છે. તેણે ઉજ્જૈન શહેરમાં ઈન્ડિયન ઈન્સ્ટિટ્યૂટ ઑફ પ્રોફેશનલ સ્ટડીઝમાં મીડિયાનો અભ્યાસ કર્યો છે. આ સાથે તે જિલ્લાના પ્રથમ કોમ્યુનિટી રેડિયો ‘રેડિયો દસ્તક ૯૦.૮ હ્લસ્’માં ઇત્ન એટલે કે રેડિયો જાેકીની ભૂમિકા પણ ભજવે છે. આ સિવાય તે સ્થાનિક ન્યૂઝ ચેનલમાં એન્કરિંગ પણ કરે છે.

જીત બાદ સરપંચ બનવા જઈ રહેલી લક્ષિકાએ કહ્યું, હું બધાનો આભાર માનવા માંગુ છું. આખા ગામે મને એટલો આશીર્વાદ અને પ્રેમ વરસાવ્યો છે કે હું તેનો હંમેશ માટે આભારી રહીશ. હું ગામનો વિકાસ કરીને આ ઉપકાર ચુકવવા માંગુ છું. ખેડૂતોની મુખ્ય સમસ્યા એ છે કે જંગલી પ્રાણીઓ તેમના પાકનો નાશ કરે છે. સાથે જ વરસાદ અને કરાથી પાક પણ બગડે છે, આવી સ્થિતિમાં ખેડૂતોનું થોડું દેવું મુક્ત કરી શકું તે સારું.

તેણે વધુમાં જણાવ્યું હતું કે અગાઉ પંચાયત ભવન ક્યારેય ખુલ્લું નહોતું, પરંતુ હવે ખુલ્લું રહેશે. દરેકની સમસ્યા સાંભળવામાં આવશે અને તેમની સમસ્યાનું નિરાકરણ કરવામાં આવશે. લક્ષિકા ડાગરે કહ્યું કે આ ૫ વર્ષમાં હું એટલું પરિવર્તન લાવીશ કે જ્યારે પણ બીજા સરપંચ બનશે ત્યારે લોકો તેમને કહેશે કે લક્ષિતા જેવું કામ કરો. ખાસ વાત એ છે કે લક્ષિકાને તેના જન્મદિવસના અવસર પર સરપંચ પદની ભેટ મળી છે.

જણાવી દઈએ કે મધ્યપ્રદેશ પંચાયત ચૂંટણીમાં પ્રથમ તબક્કાનું મતદાન ૨૫ જૂને યોજાયું છે. તેના અઘોષિત પરિણામો પણ આવી ગયા છે. હવે બીજા તબક્કાનું મતદાન ૧ જુલાઈએ અને છેલ્લું અને ત્રીજું ૮ જુલાઈએ થશે. આ પછી પંચથી લઈને જિલ્લા પંચાયતના સભ્યોના પદ માટેની મતગણતરી ૮મી જુલાઈ, ૧૧મી જુલાઈ, ૧૪મી જુલાઈ અને ૧૫મી જુલાઈએ યોજાશે. રાજ્યના કુલ ૫૨ જિલ્લાઓમાં ૮૭૫ જિલ્લા પંચાયત સભ્યો, ૬ હજાર ૭૭૧ જનપદ પંચાયત સભ્યો સહિત ૨૨ હજાર ૯૨૧ સરપંચો અને ૩ લાખ ૬૩ હજાર ૭૨૬ પંચો માટે ૩૦ મેથી ચૂંટણી પ્રક્રિયા શરૂ થઈ છે.