મને ધમકી મળતા કર્યા લગ્ન, બેન્ક બેલેન્સ જાેઇને લીધા સાત ફેરાઃ રાખી સાવંત

રિયાલિટી શો ‘બિગ બોસ ૧૪’ માં રહેલી અભિનેત્રી રાખી સાવંત છેલ્લા એક વર્ષથી તેના લગ્નને લઇને ચર્ચામાં છે. પરંતુ તેના પતિ રિતેશને કોઈએ જાેયો નથી. થોડા સમય પહેલા ચર્ચા હતી કે રાખીનો પતિ રિતેશ બિગ બોસના ઘરે પ્રવેશ કરશે. હવે જ્યારે રિતેશ આવશે ત્યારે આવશે પણ આ દરમિયાન રાખી સાવંતે તેના લગ્ન અંગે મોટો ખુલાસો કર્યો હતો. ખરેખર, શનિવારે બિગ બોસમાં મીડિયા સ્પેશ્યલ રાખવામાં આવ્યું હતું. આ શોનું સંચાલન કામ્યા પંજાબીએ કર્યું હતું. આ દરમિયાન રાખીને મીડિયાના અનેક સવાલોનો સામનો કરવો પડ્યો. રાખી સાવંતને જ્યારે પૂછવામાં આવ્યું કે તે શા માટે તેના લગ્નની ચર્ચા ચાલુ રાખે છે? તેઓ ખરેખર લગ્ન કરેલા છે કે નહીં? ત્યારબાદ રાખી એ લગ્ન વિશે એક મોટું રહસ્ય ખોલ્યું.
તેણે કહ્યું કે તે પરિણીત છે, પરંતુ તેની પાછળ એક મોટું કારણ છે. રાખીએ કહ્યું- ‘હું એક પરિણીત મહિલા છું. હું મારા પતિની રાહ જાેઈ રહી છું. મારા જીવનમાં કેટલીક સમસ્યાઓ આવી, જેના કારણે મારે લગ્ન કરવા પડ્યા. રાખીએ કહ્યું – જેમ લોકો અર્જેન્ટ શોપિંગ પર જાય છે અર્જન્ટમાં બ્રેકઅપ કરે છે, તેવી જ રીતે મેં અર્જેન્ટમાં લગ્ન કરી લીધા છે. રાખીએ કહ્યું- ‘ભારતનો એક પ્રખ્યાત વ્યક્તિ છે, જેણે મને ધમકી આપી હતી અને કહ્યું હતું કે જાે હું લગ્ન નહીં કરું તો તે મને ઉઠાવી લેશે. તેણે મને ધમકી આપી પણ મેં પોલીસમાં ફરિયાદ કરી નહીં. આમાં મારા પતિ રિતેશનો કોઈ દોષ નથી. મેં રિતેશને મારી સાથે લગ્ન કરવાની વિનંતી કરી હતી. મેં તેને જાેયો પણ નહીં , વાત પણ નથી કરી, બસ બેન્ક બેલેન્સ જાેયું.
રાખીએ વધુમાં કહ્યું – ‘જ્યારે હું મારા પતિને વિનંતી કરી કે કૃપા કરીને મને મીડિયામાં ફોટો આપવા દો કારણ કે હું ત્યાંથી બિલોન્ગ કરું છું, બોલિવૂડથી બિલોન્ગ કરું છું, તો તે મને તે કરવા દેતો નથી. તે કહે છે કે જાે પરિણીત થઈને તેની ઓળખ જણાવવામાં આવે તો તેનું અપમાન થશે, પૈસા અને ધંધાનું ઘણું નુકસાન થશે. તેથી સારુ છે કે છુટાછેડા લઇ લો. છૂટાછેડાની વાત સાંભળીને હું ફરીથી ચુપ થઇ જવું છું.