મહારાષ્ટ્ર વિધાનસભા ચૂંટણીના મતદાન પહેલા ભાજપના નેતા પર પૈસા વહેંચવાનો આરોપ

મુંબઈના નાલાસોપારા વિધાનસભાના વર્તમાન ધારાસભ્ય ક્ષિતિજ ઠાકુરે વિનોદ તાવડે પર પૈસાની વહેંચણીનો આરોપ લગાવ્યો છે. મતદાનના ૨૪ કલાક પહેલા જ મહારાષ્ટ્રના રાજકારણમાં ત્યારે હંગામો મચી ગયો જ્યારે ભાજપના વરિષ્ઠ નેતા અને રાષ્ટ્રીય મહાસચિવ વિનોદ તાવડે પર ૫ કરોડ રૂપિયા વહેંચવાનો આરોપ લાગ્યો. તાવડે પર આ આરોપ મુંબઈના નાલાસોપારા વિધાનસભાના વર્તમાન ધારાસભ્ય ક્ષિતિજ ઠાકુરે લગાવ્યો છે. ક્ષિતિજ વિસ્તારના અગ્રણી હિતેન્દ્ર ઠાકુરના પુત્ર છે. આ મામલે હિતેન્દ્રએ એક ઈન્ટરવ્યુ પણ આપ્યો છે. ટીવી-૯ મરાઠી સાથે વાત કરતા વરિષ્ઠ ઠાકુરે કહ્યું કે મને વિનોદ તાવડેના ૨૫ કોલ આવ્યા છે. હું આ મામલે કડક કાર્યવાહી ઈચ્છું છું.

એવું કહેવામાં આવી રહ્યું છે કે ચૂંટણી પહેલા ભાજપના એક વરિષ્ઠ નેતા પર લાગેલા આવા આરોપોને કારણે પાર્ટી બેકફૂટ પર છે. વસઈ વિસ્તાર મુંબઈ આઉટરમાં આવેલો છે, જે પાલઘરને અડીને છે. આ વિસ્તાર દરિયા કિનારે આવેલો છે. હિતેન્દ્ર ઠાકુરનો જન્મ પણ આ જ વિસ્તારમાં ૧૯૬૧માં વિષ્ણુ ઠાકુરના ઘરે થયો હતો. ૬૩ વર્ષના હિતેન્દ્રએ ૧૯૮૮માં રાજકારણમાં પ્રવેશ કર્યો હતો. કહેવાય છે કે રાજકારણમાં આવતા પહેલા હિતેન્દ્ર પોતાના ભાઈ સાથે ડેરી ફાર્મ ચલાવતા હતા, પરંતુ ૧૯૮૮માં બનેલી એક ઘટના બાદ હિતેન્દ્ર રાજકારણમાં આવ્યા. આ ઘટના રિયલ એસ્ટેટ બિઝનેસમેન સુરેશ દુબેની હત્યાની હતી. હિતેન્દ્રના ભાઈ જયેન્દ્ર ઉર્ફે ભાઈ ઠાકુર પર હત્યાનો આરોપ હતો.

આ હત્યા બાદ પોલીસે ઠાકુર પરિવાર સામે મોરચો ખોલ્યો હતો. પોલીસે ભાઈ ઠાકુર પર દાઉદ ગેંગ સાથે સંબંધ હોવાનો આરોપ લગાવ્યો હતો. કહેવાય છે કે તે સમયે દાઉદ ઠાકુર પરિવારના ઘરે પણ આવતો હતો. જાેકે, ઠાકુર પરિવારે હંમેશા આ આરોપોને ફગાવી દીધા છે. દાઉદ સાથે જાેડાયેલો અને ગુના અને પોલીસની ચુંગાલમાં ફસાયેલો ઠાકુર પરિવાર સમજી ગયો કે હવે રાજકારણ જ છેલ્લો ઉપાય છે. આ પછી જ હિતેન્દ્ર કોંગ્રેસમાં જાેડાયા. હિતેન્દ્રએ વર્ષો સુધી કોંગ્રેસમાં રાજકારણ કર્યું. બાદમાં તેમણે બહુજન વિકાસ અઘાડી નામની પોતાની પાર્ટી બનાવી. હિતેન્દ્ર અને તેમનો પરિવાર ત્યારથી બહુજન વિકાસ આઘાડી દ્વારા લોકોના સંપર્કમાં છે. પાલઘરની ૩ વિધાનસભા બેઠકો પર ઠાકુર પરિવારનું રાજકીય વર્ચસ્વ છે. હિતેન્દ્ર ઠાકુરની પાસે અબજાેની સંપત્તિ છે. ચૂંટણી પંચને આપેલી એફિડેવિટ મુજબ, હિતેન્દ્રની જંગમ સંપત્તિ ૩૯ કરોડ રૂપિયા છે. તેમની પત્નીની જંગમ સંપત્તિ ૨૩ કરોડ રૂપિયા છે.

હિતેન્દ્રની સ્થાવર મિલકતની કિંમત લગભગ ૪૬ કરોડ રૂપિયા છે. તેમની પત્ની પાસે ૨૪ કરોડની સ્થાવર મિલકત છે. હિતેન્દ્રએ પોતાનો વ્યવસાય ધંધો ગણાવ્યો હતો. તેની પત્ની પણ બિઝનેસ કરે છે. હિતેન્દ્ર વિરુદ્ધ કુલ ૪ કેસ નોંધાયેલા છે, જેની સુનાવણી કોર્ટમાં ચાલી રહી છે. પરિવારમાંથી હિતેન્દ્ર ઉપરાંત પુત્ર ક્ષિતિજ અને પુત્રવધૂ પણ રાજકારણમાં છે. હિતેન્દ્રનો બીજાે પુત્ર ઉત્તાંગ બિઝનેસ કરે છે. ઁસ્ઝ્ર બેંક કૌભાંડ કેસમાં હિતેન્દ્ર ઠાકુર પણ ઈડ્ઢના રડાર પર છે. ૨૦૨૧માં હિતેન્દ્રના ઘણા સ્થળો પર દરોડા પાડવામાં આવ્યા છે. ૨૦૧૯માં હિતેન્દ્રની પાર્ટીના ૩ ધારાસભ્યોએ ચૂંટણી જીતી હતી. હિતેન્દ્રએ અનેક પ્રસંગોએ ભાજપને સમર્થન આપ્યું છે. મહારાષ્ટ્રમાં ૨૦૨૪ની ચૂંટણી પહેલા રાજ્યસભાની ચૂંટણી યોજાઈ હતી. આ ચૂંટણીમાં હિતેન્દ્રએ ભાજપને સમર્થન આપ્યું હતું. ત્યારે ભાજપના વરિષ્ઠ મંત્રી ગિરીશ મહાજન હિતેન્દ્રના ઘરે સમર્થન મેળવવા ગયા હતા. કહેવાય છે કે વસઈમાં હિતેન્દ્રના ઘરે ભાજપ, કોંગ્રેસ અને પ્રાદેશિક પક્ષોના તમામ નેતાઓ આવ્યા છે. એક સમયે દેશના પેટ્રોલિયમ મંત્રી હિતેન્દ્ર પાસે તેમની જીત માટે આવતા હતા. હિતેન્દ્રનો સીધો સંપર્ક ભાજપ, કોંગ્રેસ અને શિવસેનાના મોટા નેતાઓ સાથે છે. તે વિસ્તારમાં પણ ખૂબ જ લોકપ્રિય છે. તેમના પુત્ર ક્ષિતિજ નાલાસોપારાથી ત્રણ વખત ધારાસભ્ય જીત્યા છે.