મહેસાણા શહેરમાં રખડતા ઢોરને પકડવાની કામગીરી શરૂ કરાઈ

મહેસાણા શહેરમાં રખડતા ઢોરોનો ત્રાસ દિવસેને દિવસે વધી રહ્યો છે ત્યારે નગરપાલિકા દ્વારા છેલ્લા બે દિવસમાં એજન્સી મારફતે શહેરમાંથી રખડતા પશુઓને પકડવાની કામગીરી હાથ ધરવામાં આવી છે. અલગ-અલગ વિસ્તારોમાંથી ૮૧ પશુઓને પકડી પાડવામાં આવ્યા હતા. જેમાંથી ૨૭ પશુને પકડી પશુ માલિકો પાસેથી રૂપિયા ૮૧ હજારનો દંડ વસૂલી પરત આપ્યાં છે.

મહેસાણા શહેરમાં રખડતા ઢોરોનો ત્રાસ વધી રહ્યો છે ત્યારે રખડતા પશુઓના કારણે શહેરમાં મુખ્ય માર્ગો પર પશુઓના ટોળેટોળાં જાેવા મળતા હોય છે જેના કારણે રાહદારીઓ અને વાહન ચાલકોને મોટી તકલીફો વેઠવી પડતી હોય છે ત્યારે મહેસાણા પાલિકાની પશુ પકડતી એજન્સી છેલ્લા બે દિવસ દરમિયાન અલગ અલગ વિસ્તારોમાંથી ૮૧ જેટલા પશુઓ પકડી પાડી પાંજરે પુરી દીધા હતા. મહેસાણામાં રખડતા પશુઓની સમસ્યાનું નિરાકરણ લાવવા પાલિકા આકરા મૂડમાં જાેવા મળી રહી છે ત્યારે રખડતા પશુઓને છોડાવવા આવતા માલિકો પાસે પાલિકાએ ૩૦૦૦ના બદલે ૫૦૦૦ દંડ કરી પશુઓને પરત આપ્યા હતા.

પશુ છોડાવવા આવેલા માલિકો પાસે ૨૭ પશુના ૮૧ હજાર રૂપિયા દંડ લઇ પરત કરવામાં આવ્યા હતા. મહેસાણા શહેરમાં રખડતા પશુ પકડ્યા બાદ જાે કોઈ પશુ માલિક તેના પશુ પરત લેવા આવે તો સ્થળ પર પશુ દીઠ રૂપિયા ૩૦૦૦નો દંડ લઈને મુક્ત કરવામાં આવે છે પરંતુ કેટલાક કિસ્સામાં પશુ માલિકો ફરીથી પશુ રખડતા મૂકીદેતા હોવાનો પણ બને છે જેથી નગરપાલિકા દ્વારા પકડાયેલા પશુ મુક્ત કરવા માટે પશુ માલિકો પાસેથી શનિવારથી રૂપિયા ૩ હજારના બદલે ૫૦૦૦ દંડ વસૂલાત નક્કી કરાયું હોવાનું પાલિકાએ જણાવ્યું હતું.