માત્ર 10 મિનિટમાં આ રીતે ઘરે બનાવો ‘આલુ-ચણા ચાટ’, નાના બાળકોથી લઇને બધા ખાતા રહી જશે

આજના આ સમયમાં અનેક લોકો લગ્ન જેવા પ્રસંગોમાં અલગ-અલગ પ્રકારની ચાટ રાખતા હોય છે. ચાટ ખાવાની મજા જ કંઇક અલગ આવે છે. આજે અમે તમારી માટે એક એવી ચાટ લઇને આવ્યા છીએ જે માત્ર 10 જ મિનિટમાં ઘરે બની જશે અને તમારું પેટ પણ ભરાઇ જશે. તો આ રીતે તમે પણ ઘરે ફટાફટ બનાવો આલુ-ચણા ચાટ.

સામગ્રી

2 નંગ બાફેલા બટાકા

સમારેલી ડુંગળી

કાળા ચણા( દેશી ચણા)

સમારેલું ઝીણું લીલું મરચું

ચાટ મસાલો

શેકલી સિંગ

ગ્રીન ચટણી

આંબલીની ગળી ચટણી

બનાવવાની રીત

• આલુ ચણા ચાટ બનાવવા માટે સૌ પ્રથમ એક બાઉલ લો.
• ત્યારબાદ બાફેલા બટાકાને મીડિયમ ટુકડા કરી લો.
• હવે આ બટાકાને બાઉલમાં લઇ લો.
• ત્યારબાદ બટાકાની અંદર ઝીણી સમારેલી ડુંગળી, ટામેટું, લીલુ મરચું, મીઠું, ચાટ મસાલો, શેકેલી સિંગ, લીંબુનો રસ ઉમેરીને એકસરખું મિક્સ કરી લો.
• હવે આ મિશ્રણમાં ટેસ્ટ મુજબ તીખી ચટણી અને ગળી ચટણી ઉમેરો.
• હવે આ મિશ્રણને સર્વિંગ બાઉલમાં લઇ લો.
• સર્વિંગ બાઉલમાં સમારેલી કોથમીર અને ઝીણી સેવ નાંખો.
• તો તૈયાર છે આલુ-ચણા ચાટ.
• આલુ-ચણા ચાટ ખાવાની બહુ જ મજા આવે છે.
• આ ચાટ તમે બપોરના સમયે પણ ખાઇ શકો છો.
• આ ચાટને સ્પાઇસી બનાવવા માટે તમે લીલા મરચા વધારે નાંખી શકો છો અને જો કલર થોડો અલગ જોઇએ તો લાલ મરચુ પણ તમે એડ કરી શકો છો.
• આ ચાટ તમે બપોરના સમયે જમવા બેસો ત્યારે પણ ખાઇ શકો છો.

ગળી ચટણીમાં તમે આંબલીની સાથે ખજૂર નાંખો છો તો ટેસ્ટમાં એકદમ ટેસ્ટી બનશે અને સાથે થોડી ઘટ્ટ પણ બનશે