માર્કેટયાર્ડ–અમરેલીમાં સિઝનનાં નવા મસાલાની આવક શરૂ થઈ

અમરેલીમાં સાવરકુંડલા રોડ ખાતે બનેલ શ્રી સરદાર વલ્લભભાઈ પટેલ ખેતીવાડી ઉત્પન્ન બજાર સમિતિ અમરેલી, નવા માર્કેટયાર્ડમાં સિઝનનાં નવા મસાલાની આવકો શરૂ થઈ છે. જેમાં આજે તા.૧૦/૦૧/ર૦રર ને મંગળવારનાં અજમા, ધાણા, ધાણીની આવક થયેલ છે. સાવરકુંડલા ગામનાં દિલીપભાઈ ર૧ ગુણી ધાણા લઈ આવેલ જેનો ર૦ કિલોનો ભાવ રૂા.૧ર૯૯/– રહેલ તથા તાતણીયા ગામનાં હરેશભાઈ ૧ર ગુણી ધાણી લઈ આવેલ જેનો ભાવ રૂા.૧૩૦૧/– રહેવા પામેલ હતો. જયારે ગારીયાધાર તાલુકાનાં વાળુકડ તથા કુંભણ ગામથી ખેડૂતશ્રી ભુપતભાઈ તથા અમરશીભાઈ અજમાની ૭ ગુણી લઈ આવેલ જેનો ર૦ કિલોનો ભાવ રૂા.૩૧૬૦/– થી ૩ર૦૦/– સુધી થયેલ છે. તેમ બજાર સમિતિનાં સેક્રેટરી તુષારભાઈ હપાણીએ એક અખબારયાદીમાં જણાવ્યુ હતુ.