સંસદ ભવનમાં સુરક્ષાની ખામી સામે આવ્યા બાદ, સંસદના આગામી બજેટ સત્ર દરમિયાન સંકુલમાં દર્શકોના પ્રવેશ માટે નવી વ્યવસ્થા લાગુ કરવામાં આવી છે. મુલાકાતીઓએ સંસદની મુલાકાત લેવા માટે પહેલા ઓનલાઈન અરજી કરવાની રહેશે અને તેની મંજૂરી મળ્યાં બાદ તેમના મોબાઈલ ફોન પર એક ઊઇ કોડ આપવામાં આવશે. સંસદમાં પ્રવેશવા માંગતા દર્શકોએ મોબાઈલ પર મળેલા ઊઇ કોડની પ્રિન્ટ આઉટ લઈને સંસદમાં જવું પડશે. ઊઇ કોડની પ્રિન્ટની સાથેસાથે આધાર કાર્ડ પણ સાથે લાવવાનું રહેશે.
સંસદમાં પહોંચ્યા પછી, પહેલા ઊઇ કોડને મંજૂરી આપવી પડશે. આ તમામની તપાસ પ્રક્રીયા પૂર્ણ કર્યા બાદ રિસેપ્શનમાં દર્શકોના બાયોમેટ્રિક્સ લેવામાં આવશે અને ફોટોગ્રાફ્સ લેવામાં આવશે. આ પછી મુલાકાતીઓને વિઝિટર ગેલેરી માટે સ્માર્ટ કાર્ડ આપવામાં આવશે. આ પછી, લોકોએ વ્યુઇંગ ગેલેરીમાં પ્રવેશવા માટે સ્માર્ટ કાર્ડને ટેપ કરવું પડશે, તે પછી જ બેરીકેડ ખુલશે. દર્શકોએ સંસદમાંથી પરત ફરતા પહેલા સ્માર્ટ કાર્ડ પરત કરવાના રહેશે. જાે કોઈ વ્યક્તિ સ્માર્ટ કાર્ડ સબમિટ નહીં કરે તો તે મુલાકાતીને બ્લેકલિસ્ટ કરવામાં આવશે અને ભવિષ્યમાં તેને ક્યારેય સંસદ સંકુલમાં પ્રવેશવા દેવામાં આવશે નહીં. સાંસદોને તેમના મુલાકાતીઓના પાસ માટે ઓછામાં ઓછા ત્રણ દિવસ અગાઉ અરજી કરવાનું કહેવામાં આવ્યું છે જેથી કરીને પોલીસ વેરિફિકેશન થઈ શકે.
આગામી ૧ ફેબ્રુઆરીના રોજ વચગાળાના બજેટ માટે પણ પ્રેક્ષક ગેલેરીમાં પ્રવેશ માટે ૩૧ જાન્યુઆરીના સાંજે ૪ વાગ્યા સુધી અરજી કરી શકાશે. સાંસદોને દિવસ માટે મુલાકાતીઓની ગેલેરી માટે માત્ર એક પાસ માટે અરજી કરવાનું કહેવામાં આવ્યું હતું. જાેકે, સાંસદના જીવનસાથીને પ્રાથમિકતા આપવામાં આવશે. પ્રેક્ષક ગેલેરીની ક્ષમતા મુજબ પાસ બન્યા બાદ તરત જ તેને બંધ કરી દેવામાં આવશે. સાંસદોને વચગાળાના બજેટ માટે ગેલેરી પાસ માટે માત્ર ઓનલાઈન અરજી કરવાનું કહેવામાં આવ્યું છે.
Recent Comments