મોરબીમાં જ્વેલર્સની શોપમાં બે મહિલાએ વેપારીની નજર ચૂકવી દાગીના સેરવી લીધા

પોલીસની ઠંડી ઉડાડવા અને દોડતી જ રાખવાનું તસ્કરોએ નક્કી કરી લીધું હોય એમ શિયાળો શરૂ થવાની સાથે જ ચોરી, લૂંટની ઘટનાઓ સામે આવી રહી છે. મોરબી શહેરની સોનીબજારમાં જવેલર્સની દુકાનમાં ગ્રાહકના સ્વાંગમાં આવેલી બે મહિલાએ વેપારીની નજર ચૂકવી અઢી લાખની કિંમતની સોનાની ૧૦ જાેડી બૂટીની ચોરી કરી નાસી ગઈ હતી. આ મહિલાઓએ આંખના પલકારામાં જ સોનાની બૂટીઓથી ભરેલું આખું બોક્સ ઉઠાવી લીધું હતું. બનાવ મામલે પોલીસે ફરિયાદ નોંધી ઝ્રઝ્ર્‌ફના આધારે વધુ તપાસ ચલાવી છે.

મોરબીના રવાપર ઘુનડા રોડ પર શ્રીજી હાઈટ્‌સના બ્લોક નં.૧૦૩માં રહેતા હાર્દિક ધીરેન્દ્રભાઈ રવેશિયાએ પોલીસ ફરિયાદ નોંધાવી છે કે તા. ૧૫ના રોજ તેઓ અને તેના કાકા અલ્કેશ રવેશિયા સોનીબજારમાં આવેલી અંબાજી જવેલર્સ નામની દુકાને હતા. ત્યારે બપોરે ત્રણેક વાગ્યાની આસપાસ બે મહિલા ગ્રાહક તરીકે આવી હતી અને કાનની બૂટી લેવાનું કહેતાં કાકાએ મહિલાઓને સોનાની બૂટી વારાફરતી બતાવી હતી. બૂટી જાેઇને બાદમાં જતી રહી હતી. આ મહિલાઓએ દુકાનમાંથી કોઈ ખરીદી કરી ના હતી. મહિલાઓના ગયા બાદ હાર્દિક અને તેના કાકાએ જાેતાં ટેબલ નજીક રાખેલું સોનાની બૂટીનું બોક્સ જાેવા મળ્યું નહોતું. એ બોક્સમાં ૧૦ જાેડી બૂટી હતી, જેનું વજન આશરે ૪૪.૯૬૦ ગ્રામ હતું. એની કિંમત રૂપિયા ૨,૫૦,૦૦૦ છે.

સોનાની બૂટીઓથી ભરેલું બોક્સ જાેવા ન મળતાં વેપારીએ દુકાનમાં લગાવેલા ઝ્રઝ્ર્‌ફ કેમેરાની ચકાસણી કરી હતી, જેમાં બે મહિલાઓ વેપારીની નજર ચૂકવીને સોનાની બૂટી ભરેલું બોક્સ ધીમેથી તેની બેગમાં સરકાવી રહી હોય એ સાફ દેખાઈ આવ્યું હતું. ત્યાર બાદ વેપારીઓએ સોનીબજારમાં મહિલાઓને શોધવા માટે નીકળ્યા હતા, પરંતુ તેઓ ના મળી. મોરબી સિટી એ ડિવીઝન પોલીસે બે અજાણી મહિલા વિરુદ્ધ ચોરીની ફરિયાદ નોંધી વધુ તપાસ ચલાવી છે તેમજ દુકાનમાં લગાવેલા ઝ્રઝ્ર્‌ફ કેમેરાને આધારે વધુ તપાસ હાથ ધરી છે.