મોરારીબાપુ દ્વારા અકસ્માતમાં મૃત્યુ પામેલ પરિવારને સહાય અને સાંત્વના

ચોકવા ગામના બે યુવાનો ને મરણોત્તર સહાય અર્પણ કરતા મોરારિબાપુ. મહુવાના ભાદરોડ નજીક બુટીયા પુલ પાસે ગત શનિવારના રોજ ચોકવા ગામના બે યુવાનોને પ્રાણઘાતક અકસ્માત નડ્યો હતો. બે આશાસ્પદ યુવાનોએ આ દુર્ઘટનામાં પોતાના પ્રાણ ગુમાવ્યા હતા.

આજરોજ પૂજ્ય મોરારીબાપુએ આ બંને મૃતક યુવાનોના પરિજનોને રૂપિયા 11000-11000ની સહાયતા રાશિ અર્પણ કરેલ છે. કૈલાશ ગુરુકુળનાં ધર્મેશભાઈ, અનિલભાઈ અને જયદેવભાઈ માંકડ એ રૂબરૂ ચોકવા ગામમાં જઈ અને આ સહાયતા રાશિ અર્પણ કરેલ છે. બંને મૃતક યુવાનોના નિર્વાણ માટે પૂજ્ય મોરારીબાપુએ પ્રાર્થના કરી છે અને એમના પરિજનોને સાંત્વના પાઠવેલ છે.