રંગોત્સવ સેલિબ્રેશન ચિત્ર સ્પર્ધામાં ગોલ્ડ મેડલ અને સિલ્વર મેડલ મેળવતી સાવરકુંડલા શહેરની એસ.વી.દોશી ગર્લ્સ હાઈસ્કૂલની વિદ્યાર્થીનીઓ

શ્રી નૂતન કેળલણી મંડળ સંચાલિત શ્રી એસ.વી. દોશી ગર્લ્સ હાઈસ્કૂલના ધોરણ ૯ થી ૧૨ વિદ્યાર્થીની બહેનોની તારીખ ૨૬-૧૦-૨૩ ના રોજ રંગોત્સવ સેલિબ્રેશન દ્વારા ચિત્ર સ્પર્ધા યોજાયેલ. તેમાં તરસરીયા વિનલ રસીકભાઈને પ્રથમ નંબર સ્થાને ગોલ્ડ મેડલ અને પઠાણ નસરીન અયુબખાનને દ્વિતીય નંબર સાથે સિલ્વર મેડલ મેળવેલ છે. આ સ્પર્ધાનું સમગ્ર સંચાલન વિજ્ઞાન શિક્ષકા તૃપ્તિબેન બી ભરાડ દ્વારા કરવામાં આવેલ. તારીખ ૨૬-૧-૨૪ ના રોજ શાળાના આચાર્યા ઉષાબેન તેરૈયાના વરદ હસ્તે ગોલ્ડ મેડલ તથા તૃપ્તિબેન ભરાડના વરદ હસ્તે સિલ્વર મેડલથી વિદ્યાર્થીનીઓને સન્માનિત કરવામાં આવેલ. આ ઉપરાંત સર્ટિફિકેટ તથા ગીફ્ટ વાઉચર પણ એનાયત કરવામાં આવેલ. આ પ્રસંગે નૂતન કેળલણી મંડળે શાળાના આચાર્યા ઉષાબેન તથા શિક્ષિકા તૃપ્તિબેનને હાર્દિક અભિનંદન પાઠવ્યા હતા