રજનીકાંતની ૧૭૦મી ફિલ્મ થશે ધમાકેદાર, રજનીકાંત ૧૭૦મી ફિલ્મમાં મેગાસ્ટાર અમિતાભ બચ્ચન સાથે સ્ક્રીન શેર કરશે

સુપરસ્ટાર રજનીકાંતને કોઈ પરિચયની જરૂર નથી. સમગ્ર દક્ષિણ ભારતમાં તેમની ‘ભગવાન’ની જેમ પૂજા કરવામાં આવે છે. તેમની ફિલ્મની ચાહકો આતુરતાથી રાહ જાેઈ રહ્યા છે. આ દરમિયાન તેમના ચાહકો માટે એક મોટા સમાચાર સામે આવ્યા છે, જેણે લોકોના ઉત્સાહમાં વધારો કર્યો છે. અભિનેતા હવે તેની ૧૭૦મી ફિલ્મ (રજનીકાંતની ૧૭૦મી ફિલ્મ) પર કામ શરૂ કરવાના છે. સૌથી મહત્વની વાત એ છે કે આ ફિલ્મમાં તે ૩૨ વર્ષ પછી મેગાસ્ટાર અમિતાભ બચ્ચન સાથે જાેવા મળશે. ભારતીય સિનેમાના બે દિગ્ગજ કલાકારો રજનીકાંત અને અમિતાભ બચ્ચન ફરી એકવાર મોટા પડદા પર સાથે જાેવા મળવાના છે. હમ, અંધા કાનૂન અને ગર્ફતાર જેવી ફિલ્મોમાં સ્ક્રીન સ્પેસ શેર કર્યા પછી, બંને સ્ટાર્સ હવે થલાઈવર ૧૭૦ નામની ફિલ્મમાં સાથે જાેવા મળશે. ખાસ વાત એ છે કે લગભગ ૩૨ વર્ષ પછી બંને સ્ક્રીન સ્પેસ શેર કરતા જાેવા મળશે. તેઓ છેલ્લે ૧૯૯૧માં રિલીઝ થયેલી ફિલ્મ હમ મેમાં સાથે જાેવા મળ્યા હતા. હાલમાં જ રજનીકાંત તેની ફિલ્મ જેલરના શૂટિંગમાં વ્યસ્ત હતા. જાેકે હવે શૂટિંગ પૂરું થઈ ગયું છે. આ પછી તે લાલ સલામ પર કામ કરી રહ્યો છે. આ બે ફિલ્મો પછી તે ટીજે જ્ઞાનવેલની ફિલ્મ થલાઈવર ૧૭૦ પર કામ શરૂ કરશે. એવું કહેવામાં આવી રહ્યું છે કે આ તેની કારકિર્દીની ૧૭૦મી ફિલ્મ હશે, તેથી તેને હાલ માટે થલાઈવર ૧૭૦ નામ આપવામાં આવ્યું છે.