લગ્નની તડામાર તૈયારીઓ વચ્ચે કિઆરા-સિદ્ધાર્થનો વીડિયો વાઇરલ

કિઆરા અડવાણીનું સાચું નામ આલિયા અડવાણી છે. તેના પિતા જગદીપ અડવાણી સિંધી છે અને બિઝનેસમેન છે. તેની માતા જીનીવીવ જાફરી છે. જીનીવીવ મુસ્લિમ માતા તથા ક્રિશ્ચિન પિતાનું સંતાન છે. જીનીવીવ તથા સ્વ. અશોક કુમાર તથા સ્વ. સઈદ જાફરી સંબંધીઓ થતા હતા. કિઆરાએ ૨૦૧૪માં પહેલી ફિલ્મ ‘ફુગલી’ રિલીઝ થાય તે પહેલાં પોતાનું નામ બદલ્યું હતું. ફિલ્મ ‘અંજાના અંજાની’ (૨૦૧૦)માં પ્રિયંકા ચોપરાના પાત્રનું નામ કિઆરા હતું. સલમાન ખાને કિઆરાને નામ બદલવાની સલાહ આપી હતી, કારણ કે બોલિવૂડમાં આલિયા ભટ્ટ એક જાણીતી એક્ટ્રેસ હતી. સલમાનની સલાહ માનીને નામ ચેન્જ કર્યું હતું. કિઆરા તથા મુકેશ અંબાણીની દીકરી ઈશા અંબાણી એક જ સ્કૂલમાં સાથે ભણતા હતા અને બંને વચ્ચે ગાઢ મિત્રતા છે.

સિદ્ધાર્થ મલ્હોત્રા દિલ્હીમાં પંજાબી હિંદુ પરિવારમાં જન્મ્યો છે. સિદ્ધાર્થના પિતા સુનીલ મર્ચન્ટ નેવીમાં ફોર્મર કેપ્ટન હતા અને માતા રિમ્મા હોમમેકર છે. સિદ્ધાર્થનો ભાઈ હર્ષદ મલ્હોત્રા બેંકર છે. ૧૮ વર્ષની ઉંમરથી સિદ્ધાર્થે મોડલિંગની શરૂઆત કરી હતી. ચાર વર્ષ બાદ તેને મોડલિંગથી સંતોષ ના થતાં તેણે કરિયર છોડી દીધી હતી. ત્યારબાદ ૨૦૦૯માં ટીવી સિરિયલ ‘ધરતી કા વીર યૌદ્ધા પૃથ્વીરાજ ચૌહાણ’માં જયચંદનો રોલ પ્લે કર્યો હતો. ત્યારબાદ તેણે અનુભવ સિંહાની એક ફિલ્મ માટે ઓડિશન આપ્યું હતું, પરંતુ આ ફિલ્મ અભરાઈ પર ચઢાવી દેવામાં આવ્યા હતા. ૨૦૧૦માં તેણે ‘માય નેમ ઇઝ ખાન’માં આસિસ્ટન્ટ ડિરેક્ટર તરીકે કામ કર્યું હતું. આ ફિલ્મ કરન જાેહરે ડિરેક્ટ કરી હતી.

૨૦૧૨માં સિદ્ધાર્થે કરન જાેહરના બેનર ધર્મા પ્રોડક્શનની ફિલ્મ ‘સ્ટૂડન્ટ ઑફ ધ યર’થી બોલિવૂડ ડેબ્યૂ કર્યું હતું. આ ફિલ્મમાં આલિયા ભટ્ટ, વરુણ ધવન હતા. સિદ્ધાર્થના સંબંધો આલિયા સાથે થોડો સમય રહ્યા હતા, પરંતુ પછી બંને અલગ થઈ ગયા હતાછેલ્લાં ઘણાં સમયથી ફેન્સ સિદ્ધાર્થ-કિઆરાના લગ્નની રાહ જાેઈ રહ્યાં હતાં. રિપોર્ટ અનુસાર કિઆરા અને સિદ્ધાર્થ જેસમલમેરના સૂર્યગઢ પેલેસમાં સાત ફેરા લેશે. લગ્નનાં ફંક્શન ૪ તારીખ એટલે કે આજથી શરૂ થશેઅને ૬ તારીખ લગ્નગ્રંથિથી બંધાઈ જશે. લગ્નની તડામાર તૈયારીઓ વચ્ચે કપલનો એક થ્રો બેક વીડિયો સોશિયલ મીડિયામાં વાઇરલ થઇ રહ્યો છે જે ફેન્સને પણ ઘણો પસંદ આવી રહ્યો છે. કિઆરા આલગ-આલગ ચાલી રહી છે તો સિદ્ધાર્થ તેની પાછળ આવીને ધીરેથી હાથ પકડી લે છે.

આ વીડિયોના બેક ગ્રાઉન્ડમાં ‘શેરશાહ’ ફિલ્મનું ગીત વાગી ‘રાતાં લમ્બિયા’ વાગી રહ્યું છે. આ બાદ સિદ્ધાર્થ ખૂબ જ રોમેન્ટિક રીતે કિઆરાને હગ કરતો જાેવા મળે છે. વીડિયોમાં કિઆરા લાલ સાડી અને બ્લાઉઝમાં ખૂબ જ સુંદર લાગી રહી છે, તો સિદ્ધાર્થ લાઈટ લીલા રંગના જેકેટમાં ખૂબ જ સુંદર લાગી રહ્યો છે. વીડિયોમાં બંનેની કેમેસ્ટ્રી અદ્ભુત જાેવા મળી રહી છે. સિદ્ધાર્થ તથા કિઆરાએ ‘શેરશાહ’માં સાથે કામ કર્યું હતું અને અહીઁથી બંને વચ્ચેના પ્રેમની શરૂઆત થઈ હતી. હવે સિદ્ધાર્થ વેબસિરીઝ ‘ઇન્ડિયન પોલીસ’માં જાેવા મળશે. આ સિરીઝને રોહિત શેટ્ટી ડિરેક્ટ કરે છે. કિઆરા ‘સત્યપ્રેમ કી કથા’માં જાેવા મળશે. આ ફિલ્મમાં કાર્તિક આર્યન છે.