લાઠી તાલુકાના ચાવંડ આરોગ્ય કેન્દ્ર ખાતે રક્તદાન કેમ્પ યોજાયો.

લાઠી તાલુકાના ચાવંડ આરોગ્ય કેન્દ્ર ખાતે રક્તદાન કેમ્પ યોજાયો.લાઠી ના તાલુકા ના ચાવંડ પ્રાથમિક આરોગ્ય કેન્દ્ર ખાતે સિવિલ હોસ્પિટલ અમરેલી ના સહયોગ થી રક્તદાન કેમ્પ નું આયોજન થયું હતું. જેમાં પદાધિકારીઓ અને સામાજિક અગ્રણીઓ ની હાજરી માં દિપ પ્રાગટ્ય કર્યા બાદ તાલુકા આરોગ્ય અધિકારી ડો આર આર મકવાણા દ્વારા સૌપ્રથમ રક્તદાન કરાયું હતું. ત્યારબાદ બહોળી સંખ્યામાં સ્વયંભૂ આવેલ દાતાઓ અને આરોગ્ય કર્મચારીઓ દ્વારા રક્તદાન કરવા માં આવેલ હતું. થેલેસેમિયા મેજર ના રોગીઓ, સગર્ભા મહિલાઓ અને ઇમરજન્સી માં જરૂરિયાત વાળા દર્દીઓને લોહી પૂરતો જથ્થો મળી રહે તેવા શુભ આશય થી આરોગ્ય કર્મચારીઓ એ માઇક પ્રચાર કરી રક્તદાન ની મહત્તા અને જરૂરિયાત મંદ દર્દીઓ માટે તેની ઉપયોગીતા અને રક્તદાન અંગે લોકજાગૃતિ વગેરે વિષયક આરોગ્ય શિક્ષણ આપવા માં આવ્યું હતું. ચાવંડ આરોગ્ય કેન્દ્ર ના મેડિકલ ઓફિસર ડો. મુકેશ સિંગ, ગૌતમ બારડ, પ્રભાત બાંભવા અને આરોગ્ય કર્મચારીઓ એ આ કેમ્પ ના આયોજન માં મહત્વનું યોગદાન આપ્યું હતું. ઉલ્લેખનીય છે કે, ચાવંડ આરોગ્ય કેન્દ્ર દ્વારા અવારનવાર આ પ્રકારે રક્તદાન કેમ્પ નું આયોજન થતું રહે છે, તેમાં વધુ માં વધુ લોકો ભાગ લઈ રક્તદાન કરવા માટે પ્રેરાય તેવી અપીલ કરવા માં આવે છે.