લીલીયામોટાનાં સરપંચપદનાં ત્રિપાંખીયા જંગમાં કોંગી પ્રેરિત ઉમેદવાર જીવનભાઈ વોરાનો વિજય

લીલીયા ગ્રામ પંચાયત સરપંચપદની ચૂંટણીને લઈ શહેરમાં જુદી જુદી ત્રણ પેનલ મેદાનમાં ઉતરી ચૂંટણી લડી રહી હતી. જેમાં તાજેતરમાં ભાજપ છોડી કોંગ્રેસમાં આવી સરપંચ પદની ઉમેદવારી નોંધાવી ચૂંટણી લડી રહેલા જીવનભાઈ વોરાનો 479 મતોથી ભનુભાઈ ડાભી સામે વિજય થયેલ હતો. ત્રિપાંખીયા જંગમાં જીવનભાઈ વોરાનીપેનલના 7 સદસ્‍યો ભનુભાઈ ડાભી પેનલના પ સદસ્‍યો અને બાબુભાઈ ધામતની પેનલના ર સદસ્‍યો ચૂંટાયા હતા. જયારે સરપંચ પદે વિજેતા થનાર જીવનભાઈ વોરાને ર41ર મત, ભનુભાઈ ડાભીને 1933 જયારે બાબુભાઈ ધામતને 1491 મતો મળ્‍યા હતા. જીવનભાઈ વોરા સરપંચ પદે વિજેતા થતા તેમના સમર્થકો દ્વારા જંગી વિજય સરઘસ    કાઢવામાં આવેલ. જેમાં સૌ કોઈ ડી.જે.ના તાલે ઝૂમી ઉઠયા હતા. વિજય સરઘસમાં બહાદુરભાઈ બેરા, જીવરાજભાઈ પરમાર, ખોડાભાઈ માળવીયા, સબિરભાઈ દલ, વિજયભાઈ ભાલાળા સહિતના આગેવાનો જોડાયા હતા.