લેડી ડોક્ટરની હત્યાના ૩ મહિના પછી પણ ન્યાય ન મળવા પર કોલકાતામાં ફરી વિરોધ

કોલકાતાની આરજી કાર મેડિકલ કોલેજ અને હોસ્પિટલમાં મેડિકલ સ્ટુડન્ટ પર બળાત્કાર અને હત્યાની ઘટનાને ત્રણ મહિના વીતી ગયા છે. જાેકે હજુ સુધી ગુનેગારોને સજા થઈ નથી. સીબીઆઈ દ્વારા કોર્ટમાં ચાર્જશીટ દાખલ કરવામાં આવી છે. પરંતુ જુનિયર તબીબોનો દાવો છે કે હજુ પણ ન્યાય મળ્યો નથી. તમને જણાવી દઈએ કે ૯ ઓગસ્ટના રોજ આરજી કાર મેડિકલ કોલેજ હોસ્પિટલમાં એક જુનિયર ડોક્ટરનો મૃતદેહ મળ્યો હતો.

આ કેસમાં પોલીસે આરોપી નાગરિક સ્વયંસેવક સંજય રોયની ધરપકડ કરી હતી. હાલ તે જેલ કસ્ટડીમાં છે. પશ્ચિમ બંગાળ જુનિયર ડોક્ટર્સ ફ્રન્ટે સીબીઆઈ પર સીધા સવાલો ઉઠાવતા સિવિલ માર્ચનું આહ્વાન કર્યું છે. ન્યાયની માંગણી સાથે તેમણે ૯ નવેમ્બરે બપોરે ૩ વાગ્યે કોલેજ સ્ક્વેરથી ધર્મતલ્લા સુધી સરઘસ કાઢવાનું આહ્વાન કર્યું છે. તેમણે એમ પણ કહ્યું કે આ સાથે તે દિવસે જુનિયર ડોકટરોના આંદોલનની તસવીરો પણ બતાવવામાં આવશે. તેમની સાથે આરજી કાર હોસ્પિટલમાં રક્તદાન કેમ્પનું પણ આયોજન કરવામાં આવશે.

ગયા બુધવારે પશ્ચિમ બંગાળ જુનિયર ડોક્ટર્સ ફ્રન્ટે મશાલ કૂચ બોલાવી હતી. તેમણે પશ્ચિમ બંગાળ મેડિકલ કાઉન્સિલથી ઝ્રય્ર્ં કોમ્પ્લેક્સ સુધી એક મશાલ સરઘસ કાઢ્યું હતું. તે દિવસે વિરોધીઓએ ઘણા પ્રશ્નો પૂછ્યા હતા. તે દિવસે સીબીઆઈની ચાર્જશીટ પર જુનિયર ડોક્ટરોએ પણ સવાલો ઉઠાવ્યા હતા. તેમનો સવાલ એ છે કે ઓટોપ્સીમાંથી સેમ્પલ ૯ ઓગસ્ટે લેવામાં આવ્યા હોવા છતાં ૧૪મીએ સેન્ટ્રલ ફોરેન્સિક લેબમાં મોકલવામાં આવ્યા હતા. આટલું મોડું કેમ? ૯મીએ રાત્રે સંજય રોયની ધરપકડ કરવામાં આવી હતી,

પરંતુ ૧૨મીએ બેરેકમાંથી તેના લોહીના ડાઘાવાળા કપડાં લાવવામાં આવ્યા હતા. તો પછી આટલું મોડું કેમ થયું? જુનિયર ડોકટરોએ વધુમાં જણાવ્યું હતું કે ચાર્જશીટમાં ઘટનાના દિવસની ખૂબ જ ચોક્કસ સમયરેખા છે, જેમાં અલગ-અલગ સમયે શું થયું તેની વિગતો આપવામાં આવી છે. મૃતકના માતા-પિતા તે દિવસે લગભગ ૧૨ઃ૧૫ વાગ્યે આરજી કાર હોસ્પિટલ પહોંચ્યા હતા. પરંતુ તેઓના આવ્યા પછી શું થયું, તેઓ ત્રણ કલાક સુધી અભયના મૃતદેહની નજીક કેમ ન જઈ શક્યા તેનો કોઈ ઉલ્લેખ નથી. તેવી જ રીતે આ બનાવ અંગેની જાણ તાલા પોલીસ સ્ટેશનને ક્યારે કરવામાં આવી તે અંગે કોઈ ઉલ્લેખ નથી.

તેમજ જુનિયર ડોકટર દેબાશીષ હલદરે પ્રશ્ન ઉઠાવ્યો હતો કે કોલેજ સત્તાવાળાઓએ એફઆઈઆર કેમ નોંધાવી નથી? શા માટે અભયાના માતા-પિતાએ હ્લૈંઇ નોંધાવવી પડી? ૯મીએ, સીઝર મેમોની રચના રાત્રે ૧૦ઃ૪૫ વાગ્યે સમાપ્ત થઈ, ૧૧ઃ૪૫ વાગ્યે હ્લૈંઇ નોંધવામાં આવી, તે પહેલાં સંજય રોયની રાત્રે ૧૧ઃ૩૦ વાગ્યે ધરપકડ કરવામાં આવી. એફઆઈઆર નોંધાય તે પહેલા ગુનેગારની આટલી જલદી ધરપકડ સ્વાભાવિક રીતે શંકા ઊભી કરે છે. જુનિયર ડોક્ટરે એમ પણ કહ્યું હતું કે અભયાના માતા-પિતાને મૃતદેહની નજીક આવવા દેવામાં આવ્યા ન હતા.

તેમને મૃતદેહના અગ્નિસંસ્કાર કરવાની મંજૂરી આપવામાં આવી ન હતી. અંતિમ સંસ્કારના કામમાં પોલીસની આટલી ઝડપનું કારણ શું? કોણે આપ્યો આદેશ? અગ્નિસંસ્કાર વખતે ઘરના લોકોને કોના આદેશ પર ત્યાં જવા દેવામાં આવ્યા ન હતા? તેમણે એમ પણ કહ્યું કે ચાર્જશીટ મુજબ, સંજય રોય સવારે ૩ઃ૨૦ વાગ્યે આરજી કાર હોસ્પિટલમાં દાખલ થયો હતો. પછી ૩ઃ૩૪ વાગ્યે ટ્રોમા કેર બિલ્ડિંગમાં ગયા. સવારે ૩.૩૬ વાગ્યે બહાર આવ્યા અને પછી ઈમરજન્સી બિલ્ડિંગના ચોથા માળે (પાંચમા માળે) ગયા. સવારે ૪ઃ૩૦ વાગ્યે, તે ત્રીજા માળે (ચોથા માળે) છાતીની દવાના વોર્ડના સીસીટીવીમાં જાેવા મળ્યો હતો. દેબાશિષ હલ્દરે પૂછ્યું કે શું સંજય લગભગ અડધો કલાક ચોથા માળે હતો? સંજય ચોથા માળે શું કરતો હતો?