વડાપ્રધાન મોદીએ દિવાળીમાં દેસવાસીઓને ‘લોકલ ફોર વોકલ’ પર ભાર મુકવા કહ્યું

વડાપ્રધાન નરેન્દ્ર મોદી તેમના રેડિયો કાર્યક્રમ ‘મન કી બાત’ના ૧૦૬મા એપિસોડને સંબોધિત કર્યો હતો. પીએમ મોદીએ કહ્યું કે આ એપિસોડ એવા સમયે બની રહ્યો છે જ્યારે સમગ્ર દેશમાં તહેવારોનો માહોલ છે. આવનારા તમામ તહેવારોની આપ સૌને હાર્દિક શુભકામનાઓ. ‘વોકલ ફોર લોકલ’નો ઉલ્લેખ કરતા પીએમ મોદીએ કહ્યું કે જ્યારે પણ તમે પ્રવાસ કે તીર્થયાત્રા પર જાઓ છો ત્યારે તમારે ત્યાંના સ્થાનિક કલાકારો દ્વારા બનાવેલી વસ્તુઓ અવશ્ય ખરીદવી જાેઈએ.. કાર્યક્રમમાં પીએમ મોદીએ કહ્યું કે અમારું સપનું આર્ત્મનિભર ભારત છે.

દર વખતની જેમ આ વખતે પણ આપણા તહેવારોમાં આપણી પ્રાથમિકતા સ્વદેશી ઉત્પાદનો ખરીદવાની હોવી જાેઈએ. તેમણે કહ્યું કે ભારતને આર્ત્મનિભર બનાવો.’વોકલ ફોર લોકલ’ને વધારે મહત્વ આપો, મેક ઈન ઈન્ડિયા સામાનને વધારે પસંદગી આપો, જેથી તમારી સાથે કરોડો દેશવાસીઓની દિવાળી અદ્ભુત, ગતિશીલ, તેજસ્વી અને રસપ્રદ બને.. પીએમ મોદીએ કહ્યું કે આપણે જાણીએ છીએ કે દર વર્ષે ૩૧મી ઓક્ટોબરે એકતા દિવસ સંબંધિત મુખ્ય સમારોહ ગુજરાતમાં ‘સ્ટેચ્યુ ઓફ યુનિટી’ ખાતે થાય છે. આ સિવાય દિલ્હીમાં ફરજના માર્ગ પર ખૂબ જ ખાસ કાર્યક્રમનું આયોજન કરવામાં આવી રહ્યું છે. દેશભરમાં છેલ્લા અઢી વર્ષથી ચાલી રહેલા આઝાદીના અમૃત મહોત્સવનું ૩૧મી ઓક્ટોબરે સમાપન થશે. તમે બધાએ મળીને તેને વિશ્વના સૌથી લાંબા સમય સુધી ચાલનારા તહેવારોમાંનો એક બનાવ્યો છે.. મન કી બાતમાં પીએમ મોદીએ કહ્યું કે ૩૧ ઓક્ટોબરે પૂર્વ વડાપ્રધાન શ્રીમતી ઈન્દિરા ગાંધીની પુણ્યતિથિ પણ છે. હું પણ તેમને હૃદયપૂર્વક શ્રદ્ધાંજલિ અર્પણ કરું છું. તેમણે કહ્યું કે ભારતને તેની સંસ્કૃતિને બચાવવા માટેના આવા દરેક પ્રયાસો પર ગર્વ છે, જે માત્ર આપણી રાષ્ટ્રીય એકતાને જ મજબુત કરતું નથી પરંતુ દેશનું નામ, દેશનું સન્માન, બધું જ વધારે છે.