વડોદરાના ગોરવામાં પૂરઝડપે જતા કારચાલકનો પીછો કરી ટોળાંનો હુમલો કરી કારની તોડફોડ કરી

ગોરવામાં પૂરઝડપે જતા કારચાલકનો ટોળાંએ પીછો કર્યા બાદ આંતરીને હુમલો કરતાં પોલીસે પીધેલા કાર ચાલકની ધરપકડ કરી તેને માર મારનાર ચાર જણા સામે ગુનો નોંધ્યો છે. ગોરવાના કરોડિયા રોડ ખાતે નિલેશ નગરમાં રહેતા મોઇન પઠાણે પોલીસને કહ્યું છે કે,તા.૪થી એ રાતે હું મારા મિત્ર ઇમરાનને છોડી કારમાં પરત ફરતો હતો ત્યારે કેટલાક લોકો પાછળ દોડયા હતા અને તેમાંથી કોઇએ પથ્થર મારતાં કારનો કાચ તૂટયો હતો.

આ વખતે બે ત્રણ બાઇક સવારે પીછો કરતાં મેં બચવા માટે કાર મધુનગરથી હુસેની પાર્ક થઇ મધુનગર બ્રિજ તરફ લીધી હતી. બ્રિજ પાસે મારો ભાઇ મો.એહમદ ઉભો હોઇ હું રોકાયો હતો.આ વખતે મારો પીછો કરતા ગોરવાના તૌસિફ ઉર્ફે લાલા,બાપુ અને અન્ય બે જણાએ તું કોની સાથે એક્સિડન્ટ કરીને આવ્યો છે..તેમ કહી અમે બંને ભાઇઓને માર માર્યો હતો.તેમણે પથ્થર વડે કારના દરવાજા,બોનેટ અને અન્ય ભાગોને નુકસાન કર્યું હતું. ઉપરોક્ત બનાવને પગલે ટોળું જામ્યું હતું.જે દરમિયાન ગોરવા પોલીસ આવી જતાં કાર ચાલક મોઇન દારૃના નશામાં જણાઇ આવ્યો હતો.જેથી તેની દારૃ પી લોકોનો જીવ જાેખમાય તે રીતે ડ્રાઇવિંગ કરવા બદલ ગુનો નોંધી કાર અને મોબાઇલ કબજે લીધા હતા.