વડોદરા શહેરમાં તરખાટ મચાવી રહેલા તસ્કરોએ મોડી રાત્રે સયાજી હોસ્પિટલના સેન્ટ્રલ મેડિકલ સ્ટોરની દીવાલમાં બાકોરું પાડી ઓક્સિજન રૂમમાંથી સાધનો રીપેરીંગ કરવાની કીટના ટુલ્સ ચોરી કરીને ફરાર થઇ ગયા હતા. આ બનાવ અંગે રાવપુરા પોલીસે સીસીટીવીની મદદથી તસ્કરોની શોધખોળ હાથ ધરી છે.
છેલ્લા કેટલાક દિવસોથી શહેરમાં તસ્કરોએ હાહાકાર મચાવી મૂક્યો છે. વડોદરા શહેરમાં ઉપરા-છાપરી બની રહેલા ચોરીના બનાવોએ પોલીસ તંત્રની ઉંઘ હરામ કરી નાંખી છે. માત્ર દારૂના કેસો કરવામાં વ્યસ્ત રહેતી પોલીસ શહેરમાં ચોરીના વધી રહેલા બનાવોને ડામવામાં ધરાર નિષ્ફળ પુરવાર થઇ રહી છે. રાત્રિ પેટ્રોલિંગ વાતો કરતા પોલીસ તંત્ર દ્વારા ખરેખર રાત્રિ પેટ્રોલિંગ કરવામાં આવે છે કે, માત્ર કાગળ ઉપર પેટ્રોલિંગ થઇ રહ્યું છે. તે અંગે પણ સવાલો ઉઠી રહ્યા છે. મંગળવારે રાત્રે સયાજી હોસ્પિટલના સેન્ટ્રલ મેડિકલ સ્ટોરની દીવાલને બાકોરું પાડીને પ્રવેશેલા તસ્કરો રીપેરીંગ કીટના ટુલ્સની ચોરી જતાં હોસ્પિટલમાં ચકચાર મચી ગઇ હતી.
સયાજી હોસ્પિટલના સેન્ટ્રલ મેડિકલ સ્ટોરમાં સવારે કર્મચારીઓ ફરજ હાજર થયા હતા. સ્ટોરના મુખ્ય દરવાજાે ખોલીને અંદર ગયા હતા. સ્ટોર રૂમમાં જતાં તેઓને બાયોમેડિકલ વર્કશોપમાં સામાન અસ્તવ્યસ્ત જાેતા ચોંકી ઉઠ્યા હતા. વધુ તપાસ કરતા તેઓને બાકોરું જણાઇ આવ્યું હતું. આ સાથે તેઓને તાજેતરમાં જ લગાવવામાં આવેલો ટેબલ ઉપર પડેલો સીસીટીવી જાેયો હતો.
આ બાયોમેડિકલ સ્ટોરમાં બાયોમેડિકલ એન્જિનિયરો સાધનોનું રીપેરીંગ કામ કરે છે. કર્મચારીઓએ તેની બાજુમાં આવેલા ઓક્સિજન રૂમના તાળાં તુટેલા જાેતા તેમાં તપાસ કરી હતી. જેમાં ઓક્સિજન રૂમ સ્થિત કબાટોનો સામાન વેરવિખેર જાેતા તુરંત જ તેઓએ ઉચ્ચ અધિકારીઓને જાણ કરી હતી.
કર્મચારીઓએ ઉચ્ચ અધિકારીઓને જાણ કરતા સેન્ટ્રલ મેડિકલ સ્ટોરના અધિકારી ડો. જાગૃતિ ચૌહાણ સ્ટોર ઉપર આવી પહોંચ્યા હતા.
તપાસ દરમિયાન જણાવ્યું, બાયોમેડિકલ વર્કશોપમાંથી તસ્કરો સાધનો રીપેરીંગ કરવાના ટુલ્સ ચોરી કરી ગયા હોવાનું અનુમાન છે. તસ્કરો ઓક્સિજન સિલીન્ડર કે અન્ય કોઇ ચિજવસ્તુઓ ચોરી ગયા નથી. તેમ છતાં, પોલીસ અને અમારા દ્વારા વધુ તપાસ બાદ ચોક્કસ કઇ કઇ ચિજવસ્તુઓની ચોરી થઇ છે તે બહાર આવશે.
Recent Comments