વડોદરામાં લવ-જેહાદ, અમાનતુલ્લાહે રાજા તરીકે ઓળખ આપી સગીરા સાથે કર્યું દુષ્કર્મ

શહેરના છાણી વિસ્તારમાં રહેતી ૧૫ વર્ષીય સગીરાને પ્રેમજાળમાં ફસાવી ૨૦ વર્ષીય મિકેનીક વિધર્મી યુવકે લગ્નની લાલચ આપી દુષ્કર્મ કરતાં પોલીસે ગુનો નોંધી યુવકને ઝડપી પાડયો હતો. તપાસમાં બહાર આવ્યું હતું કે હેલીવારે ચાઇનીઝની લારી પર સગીરાને જાેઇને અમાનતુલ્લાહે પોતાની ઓળખાણ રાજા તરીકે આપી દોઢ વર્ષથી પ્રેમજાળમાં ફસાવી હતી. ત્યારબાદ વિવિધ સ્થળે લઇ જઇ દુષ્કર્મ કર્યું હતું.

છાણીમાં રહેતી ૧૦માં ધોરણનો અભ્યાસ કરી ચુકેલી ૧૫ વર્ષીય સગીરાને રણોલીમાં રહેતા મુળ બિહાર દરભંગાના અમાનત તુલ્લાહ ઉર્ફે રાજા મનસુરઆલમએ પ્રેમજાળમાં ફસાવી દુષ્કર્મ કર્યા બાદ તેને લગ્નની લાલચ આપી પોતાના વતન દરભંગા લઇ ગયો હતો પણ પોલીસને જાણ થઇ જતાં પરિવારને જાણ કરી બંનેને ફ્લાઇટમાં વડોદરા પરત બોલાવ્યા હતા. પોલીસ અને હિન્દુ સંગઠનોએ સગીરાની પુછપરછ કરતાં જાણવા મળ્યું હતું કે દોઢ વર્ષ પહેલા અમાનત તુલ્લાહે સગીરાને પહેલીવાર ચાઇનીઝની લારી પર જાેઇ હતી અને ત્યાં સામે ચાલીને તેણે પોતાની ઓળખાણ રાજા તરીકે આપી પ્રેમજાળમાં ફસાવી હતી અને મોબાઇલ નંબર લઇ લીધો હતો.

તેણે ત્યારબાદ સગીરાને ફોન કરવાના શરુ કર્યા હતા અને તેને અલગ અલગ દિવસે માર્ચ મહિનામાં દશરથના અવાવરું રુમમાં લઇ ગયો હતો અને ત્યાં દુષ્કર્મ કર્યું હતું.ત્યારબાદ તેને મહાદેવ નગર રોડ વાળા ઘાસના ખેતરમાં લઇ જઇ ત્યાં પણ દુષ્કર્મ કર્યું હતું. ત્યારબાદ તે ૧૦માં ધોરણની પરીક્ષાનું છેલ્લું પેપર આપીને આવતી હતી ત્યારે પણ અમાનતુલ્લાહ સગીરાને દુમાડ હાઇવે પર આવેલા ખેતરમાં લઇ ગયો હતો અને ત્યાં પણ તેણે સગીરા સાથે દુષ્કર્મ કર્યું હતું.

ત્રણ મહિના પહેલા સગીરાને લગ્નની લાલચ આપી દુષ્કર્મ કરનારા અમાનતુલ્લાહ ગત ૨ તારીખે સગીરાને લગ્નની લાલચ આપી તથા ફરવા જવાના બહાને ઘેરથી લઇ ગયો હતો અને ટ્રાવેલ્સની બસમાં બિહાર પટના જવા રવાના થયો હતો. જાે કે પોલીસે અમાનતુલ્લાહના બંને ભાઇઓની કડક પુછપરછ કરી તે દરભંગા પહોંચે કે તુરત જ બંનેને ફ્લાઇટમાં વડોદરા આવવા જણાવી દીધું હતું. જેથી અમાનતુલ્લાહ ગભરાયો હતો અને લગ્ન સહિતની કોઇ પણ બાબતો અંગે સગીરા સાથે વાતચીત કરી શકયો ન હતો.

હિન્દુ સંગઠનોએ સગીરાનું કાઉન્સેલિંગ કર્યું હતું જેમાં જાણવા મળ્યું હતું કે ૧૫ વર્ષીય સગીરા સધી સાદી તથા ભોળી છે, તેનો ફાયદો અમાનતુલ્લાહે ઉઠાવ્યો હતો. સગીરાને પ્રેમજાળમાં ફસાવી તેની સાથે દુષ્કર્મ કર્યું હતું અને લગ્નની લાલચ આપી અપહરણ પણ કર્યું હતું. પોલીસે અમાનતુલ્લાહની હાલ અટકાયત કરી તેનો કોવિડ ટેસ્ટ કરાવાની તજવીજ કરી હતી કોવિડ રિપોર્ટ બાદ તેના રિમાન્ડ મેળવી વધુ તપાસ કરાશે.