વડોદરા પાલિકાને સૌર ઊર્જા સંચાલિક હાઇટેક રોબોટિક ક્લિનિંગ મશીન અર્પણ કરાયું

ગુજરાત ઊર્જા વિકાસ નિગમ લિમિટેડ દ્વારા આજરોજ વડોદરા મહાનગરપાલિકાને ડ્રેનેજ ચેમ્બરની સફાઇ કામગીરી ટેકનોલોજીના ઇનોવેશન થકી વધુ સરળ, ઝડપી અને સુરક્ષિત રીતે થાય તેવા આશયથી અદ્યતન ટેકનોલોજીની સજજ સૌર ઊર્જા સંચાલિત રોબોટિક કલીનીંગ મશીન તથા તેના વહન માટે ઇલેકટ્રિક ગાડી આપવામાં આવી.

આ રોબોટિક કલીનીંગ મશીન જીયુવીએનએલના મેનેજીંગ ડાયરેકટર શાહમીના હુસેનના હસ્તેમ વડોદરા મ્યુનિસિપલ કોર્પોરેશનના એડી.સિટિ એન્જીશન્યેર શૈલેષ નાયકને સુપ્રત કરવામાં આવી. કાર્યક્રમમાં બંને મહાનુભાવો ઉપરાંત ગુજરાત સી.એસ.આર. ઓથોરિટીના પ્રતિનિધિ, જીયુવીએનએલ કંપની સેક્રેટરી પાર્થિવ ભટ્ટ તેમજ રોબોટિક મશીન બનાવનાર કલબ ફર્સ્ટન રોબોટિકસના મેનેજીંગ ડાયરેકટર ભુવનેશ મિશ્રા ઉપસ્થિત રહયાં હતા.

આ મશીન થકી ‘સ્વાચ્છ ભારત મિશન’ હેઠળ કાર્યરત સેનિટેશનની કામગીરીને વધુ વેગ મળશે, તેમજ ડ્રેનેજ અને ગટર ચેમ્બરની સફાઇ કામગીરી જૂની પ્રણાલિકાને બદલે આધુનિક મશીન વડે ખૂબ આસાનીથી, ઝડપી અને ચોકસાઇ સાથે વધુ સુરક્ષિત બની રહેશે. આ રોબોટિક કલીનીંગ મશીન જયપુર સ્થિતિ કલબ ફસ્ર્ટે રોબોટિકસ પ્રા.લી. દ્વારા ‘મેઇક ઇન ઇન્ડીયા’ અંતર્ગત બનાવવામાં આવેલ છે. જેનું નામ ઝેના ૬.૦ આપવામાં આવેલ છે.