વધુ એક મોરચે મોંઘવારીનો ઝાટકો, ૧ જૂનથી વિમાની મુસાફરી થશે મોંઘી

હવે હવાઇ મુસાફરી કરનારાઓએ તેમના ખિસ્સા વધુ ખીલાવવા પડશે. કેન્દ્રીય નાગરિક ઉડ્ડયન મંત્રાલયે વિમાનની ટિકિટના ભાવમાં વધારો કર્યો છે. નવા દરો ૧ જૂનથી અમલમાં આવશે. કેન્દ્રીય મંત્રાલય તરફથી વિમાનોના ભાડામાં જુદા જુદા સમયગાળા સાથે વિમાનોના ભાડા માં ૧૩ થી ૧૬ ટકાનો વધારો થયો છે.

કેન્દ્રીય નાગરિક ઉડ્ડયન મંત્રાલયના જણાવ્યા અનુસાર, ૪૦ મિનિટના વિમાનના ભાડા માટે નીચા ભાડુ રૂ. ૨૩૦૦ હતુ જે વધારીને સીધુ ૨૬૦૦ રૂપિયા કરવામાં આવ્યુ છે. તે જ સમયે, ૪૦ થી ૬૦ મિનિટની ફ્લાઇટ માટે ભાડું ૨,૯૦૦ રૂ હતુ જેને હવેથી રૂ.૩,૩૦૦ કરવામાં આવ્યું છે. આ ર્નિણય કોરોના સંકટની વચ્ચે લેવામાં આવ્યો છે.

કોરોનાને કારણે ઉડ્ડયન ક્ષેત્રને મોટું નુકસાન વેઠવું પડી રહ્યું છે. સેન્ટર ફોર એશિયા પેસિફિક એવિએશન (સીએપીએ) ના એક અનુમાન મુજબ આ ક્ષેત્ર નાણાકીય વર્ષમાં છથી સાડા છ અબજ ડોલરનું નુકસાન થઈ શકે છે. આ કટોકટીમાંથી બહાર નીકળવા માટે, લગભગ ૫ અબજ ડોલરના રોકાણની જરૂર છે. સીએપીએ એક સ્થાનિક કંપની છે જે સ્થાનિક ઉડ્ડયન ક્ષેત્રને સલાહ આપે છે.
ગયા વર્ષે ઇન્ટરનેશનલ એવિએશન ટ્રાવેલ એસોસિએશનએ એક રીપોર્ટમાં દાવો કર્યો હતો કે ભારતીય એરલાઇન કોરોનાને કારણે કંપનીઓને ૨૦૨૦ માં ૧,૧૨૨ મિલિયન ડોલર (લગભગ ૮૬ હજાર કરોડ રૂપિયા) નું નુકસાન થશે અને ૨૯ લાખથી વધુ લોકો બેરોજગાર થઈ શકે છે.

જણાવવામાં આવ્યું હતું કે ૨૦૨૧ ના ??વર્ષમાં રેલ્વે મંત્રાલયે ફેબ્રુઆરી મહિનામાં સ્થાનિક ટ્રેન ભાડાની કિંમતમાં પણ વધારો કર્યો હતો. જેમાં પ્રથમ ૨૦ કિ.મી. જ્યાં ૧૦ રૂપિયાભાડુ હતું, તે જ મુસાફરી માટે હવે લોકો પાસેથી ૩૦ રૂપિયા લેવાનું નક્કી કરાયું હતું.
કોરોનાના કારણે ૨૫ માર્ચ ૨૦૨૦ થી ઘરેલું હવાઇ મુસાફરીને અટકાવી દેવામાં આવી હતી. ૨૫ મેથી તે કેટલીક શરતો અને ક્ષમતાના ત્રીજા ભાગ સાથે પૂર્વ-કોવિડ સ્તર સાથે ધીમે ધીમે ખોલવાનું શરૂ કર્યું. ન્યૂનતમ અને મહત્તમ મર્યાદા ફ્લાઇટ્‌સ પર લાદવામાં આવી હતી, જેથી એરલાઇન્સ અતિશય ભાડા લેતી નથી અને ફક્ત જરૂરી હેતુ માટે મુસાફરી કરે છે.