વન નેશન વન ઈલેક્શન પર સીએમ એમકે સ્ટાલિનસીએમ એમકે સ્ટાલિને એક દેશ એક ચૂંટણી પ્રસ્તાવને અવ્યવહારુ ગણાવ્યો

તમિલનાડુના મુખ્યમંત્રી અને દ્રવિડ મુનેત્ર કઝગમ (ડ્ઢસ્દ્ભ)ના પ્રમુખ એમકે સ્ટાલિન પણ એક દેશ, એક ચૂંટણીના વિરોધમાં સામેલ થયા છે. ગુરુવારે, તેમણે એકસાથે ચૂંટણી કરાવવાના કેન્દ્રના પ્રસ્તાવને અવ્યવહારુ અને વિચલિત કરવાની વ્યૂહરચના ગણાવી. તેમણે એમ પણ કહ્યું કે ભારતીય જનતા પાર્ટીની આગેવાનીવાળી સરકાર તેનો અમલ ક્યારેય કરી શકશે નહીં. સ્ટાલિને ‘ઠ’ પર એક પોસ્ટમાં કહ્યું, ‘એક દેશ, એક ચૂંટણી એ એક અવ્યવહારુ પ્રસ્તાવ છે જે ભારતની વિવિધ ચૂંટણી પ્રણાલીની જટિલતાને અવગણના કરે છે અને સંઘવાદને નબળો પાડે છે. “ચૂંટણી ચક્ર, પ્રાદેશિક મુદ્દાઓ અને શાસનની પ્રાથમિકતાઓમાં મોટા તફાવતોને જાેતાં આ તાર્કિક રીતે અવ્યવહારુ છે.”

તમિલનાડુના મુખ્ય પ્રધાને કહ્યું, ‘એક દેશ, એક ચૂંટણી માટે તમામ પદોની અવાસ્તવિક ગોઠવણીની જરૂર પડશે, જે શાસનની કુદરતી પ્રક્રિયાને વિક્ષેપિત કરશે.’ તેમણે કહ્યું, ‘આ સમગ્ર પ્રસ્તાવ માત્ર ભાજપના અહંકારને સંતોષવાનો પ્રયાસ છે. પરંતુ તેઓ તેનો અમલ ક્યારેય કરી શકશે નહીં, કેન્દ્ર સરકાર પર પ્રહાર કરતા તેમણે કહ્યું કે ભારતની લોકશાહી કોઈ એક પક્ષના લોભ સામે ઝૂકી શકે નહીં. આ વિક્ષેપની યુક્તિઓ પર ઊર્જા વેડફવાને બદલે, કેન્દ્ર સરકારે બેરોજગારી, મોંઘવારી અને રાજ્યોને સંસાધનોના સમાન વિતરણ જેવા સળગતા મુદ્દાઓ પર ધ્યાન કેન્દ્રિત કરવું જાેઈએ.

એક દેશ, એક ચૂંટણીના પ્રસ્તાવને મંગળવારે કેબિનેટમાંથી મંજૂરી મળી ગઈ છે. કેન્દ્રીય માહિતી અને પ્રસારણ મંત્રી અશ્વિની વૈષ્ણવે આ માહિતી જાહેર કરી હતી. તેમણે કહ્યું કે પૂર્વ રાષ્ટ્રપતિ રામનાથ કોવિંદની અધ્યક્ષતામાં રચાયેલી સમિતિએ પોતાનો રિપોર્ટ રાષ્ટ્રપતિ દ્રૌપદી મુર્મુને સોંપ્યો છે. જેનો કેબિનેટ દ્વારા સ્વીકાર કરવામાં આવ્યો છે. સરકારે કહ્યું કે વન નેશન વન ઇલેક્શનના પ્રસ્તાવને ૪૭માંથી ૩૨ પક્ષોનું સમર્થન છે. આ પ્રસ્તાવ મુજબ દેશમાં તમામ સ્તરે ચૂંટણી કુલ બે તબક્કામાં કરાવવામાં આવશે. પ્રથમ તબક્કામાં તમામ રાજ્યોની લોકસભા અને વિધાનસભાઓના નામ એકસાથે જાહેર કરવામાં આવશે. તે જ સમયે, બીજા તબક્કામાં, પંચાયત અને કોર્પોરેશનની તમામ ચૂંટણીઓ એક સાથે યોજાશે.