વલસાડની એલસીબીની ટીમે ફિલ્મીઢબે પીછો કરી ગાંજાનો જથ્થો ઝડપી પાડ્યો, કાર ચાલક ફરાર

વલસાડ એલસીબીની ટીમને મુંબઈ તરફથી સુરત જતી એક નંબર વગરની કારમાં ગાંજાનો જથ્થો હોવાની બાતમી મળી હતી. જે બાતમીના આધારે એલસીબીની ટીમે પારડી હાઇવે ઉપર વોચ ગોઠવી હતી. આ દરમિયાન બાતમીવાળી નંબર વગરની કાર આવતા તેને અટકાવવાનો ઈશારો કર્યો હતો. જાેકે, કારના ચાલકે પકડાઈ જવાની બીકે કારને સુરત તરફ હંકારી મૂકી હતી. જેથી પોલીસે ફિલ્મી ઢબે પીછો કરતા કારનો ચાલક હાઇવે ઉપર કાર મૂકી ફરાર થઇ ગયો હતો. એલસીબીની ટીમે ચેક કરતા કારમાંથી ૨ કિલો અને ૫ કિલોના પેકેટમાં ગાંજાનો જથ્થો મળી આવ્યો હતો. એલસીબીની ટીમે અંદાજે ૨૫૦ કિલો ગાંજાનો જથ્થો અને કાર મળી કુલ ૪૦ લાખથી વધુનો મુદ્દામાલ કબ્જે કરી રૂરલ પોલીસ મથકમાં ગુનો નોંધી આગળની તપાસ હાથ ધરી છે. વલસાડ જિલ્લા એલસીબીની ટીમ જિલ્લામાં દિવાળીના તહેવારોને ધ્યાને રાખીને પેટ્રોલિંગ કરી રહી હતી.

જે દરમિયાન વલસાડ એલસીબીની ટીમના પીઆઈ વી. બી બારડની ટીમને એક નંબર વગરની કારમાં વિપુલ પ્રમાણમાં ગાંજાનો જથ્થો ભરીને કારનો ચાલક મુંબઈથી સુરત તરફ જઈ રહ્યો હોવાની બાતમી મળી હતો. જેના આધારે વલસાડ એલસીબીની ટીમે પારડી હાઇવે ઉપર બાતમી વાળી કારની વોચ ગોઠવી હતી. આ દરમિયાન બાતમી વાળી કાર આવતા વલસાડ એલસીબી પોલીસની ટીમે કારને અટકાવવાનો ઈશારો કર્યો હતો. જાેકે, કારના ચાલકે પોલીસની નાકાબંધી જાેઈ પોતાની કાર લઈને સુરત તરફ હંકારી મૂકી હતી. વલસાડ એલસીબીની ટીમે કારનો પારડીથી ફિલ્મી ઢબે પીછો કર્યો હતો. ત્યારે કારનો ચાલક ધમડાચી પીરૂ ફળીયા પાસે કારને મૂકી બાજુમાં આવેલી ઝાડીઓમાં ભાગી છૂટ્યો હતો. વલસાડ એલસીબીની ટીમે કારમાં ચેક કરતા કારની પાછળની સીટ અને ડિક્કિમાં મુકેલા ૨ અને ૫ કિલોના ગાંજાના પેકેટ મળી આવ્યાં હતા.

જેથી પોલીસે અંદાજે ૨૫૦ કિલો ગાંજાનો જથ્થો તેમજ કાર મળી કુલ ૪૦ લાખથી વધુનો મુદ્દામાલ જપ્ત કર્યો હતો. વલસાડ એલસીબીની ટીમે એફએસએલની ટીમની મદદ લઈને ચેક કરતા ગાંજાનો જથ્થો હોવાનું જાણવા મળ્યું હતું. પોલીસે કારમાંથી અંદાજે ૨૫૦ કિલો જેટલો ગાંજાનો જથ્થો કબ્જે કર્યો હતો તેમજ કારના ચાલકને વોન્ટેડ જાહેર કર્યો હતો. રૂરલ પોલીસ મથકે ગુનો નોંધવાની તજવીજ હાથ ધરવામાં આવી છે. પોલીસને શંકા ન જાય એ માટે નશાનો વેપાર કરતા લોકો દ્વારા નંબર વગરની નવી કારનો ઉપયોગ કરવામાં આવ્યો હતો. ત્યારે હાલ તો પોલીસે આ ગાંજાનો જથ્થો ઝડપી પાડ્યો છે. તેમજ ટેક્નિકલ સર્વેલન્સ અને સીસીટીવી ફૂટેજ મેળવી આગળની તપાસ હાથ ધરી છે. જિલ્લા પોલીસે ૨ મહિનામાં ૪ જેટલા ગાંજાના કેસમાં વિપુલ પ્રમાણમાં ગાંજાનો જથ્થો ઝડપી પાડ્યો હતો. ગાંજાનો વેપલો કરતા લોકોમાં ફફડાટ ફેલાઈ ગયો હતો. આગામી દિવસોમાં ગાંજાની હેરાફેરી ઉપર વલસાડ પોલીસ વધુ બાજ નજર રાખશે.