વલસાડ હાઈવે પર દારૂ ભરેલી કાર પલ્ટી જતાં લોકો બોટલો લેવા પડાપડીનો વિડીયો વાયરલ

સોશિયલ મીડિયામાં જે વીડિયો વાઈરલ થયો છે. તેમાં ૨૦થી વધુ લોકો દારૂની બોટલો લેવા માટે પડાપડી કરતા જાેવા મળી રહ્યા છે. મોડા પહોંચેલા કેટલાક લોકો તો કારની અંદર ડોકિયું કરતા પણ જાેવા મળ્યા હતા. જેથી અંદર એકાદ-બે બોટલ રહી ગઈ હોય તો તે પણ લઈ જવા થાય. સોશિયલ મીડિયામાં વાઈરલ થયેલા આ વીડિયોને જાેઈ લોકો હસી રહ્યા છે. તો સાથે દારૂબંધીના કાયદાને લઈ સવાલો પણ ઉઠી રહ્યા છે.વલસાડ જિલ્લાના ડુંગરી નેશનલ હાઈવે પર ધોળે દિવસે દારૂબંધીના લીરેલીરા ઉડતા જાેવા મળ્યા હતા. દમણથી સુરત તરફ જઈ રહેલી એક ક્રેટા કાર પલટી ખાઈ ગયા બાદ રસ્તા પર દારૂની રેલમછેલ થતા રાહદારીઓએ તક ઝડપી દારૂની બોટલો લઈ ચાલતી પકડી હતી.

દારૂબંધી હોવા છતા કેટલાક લોકોએ દારૂની બોટલો લેવા માટે રીતસરની પડાપડી કરી હતી. જેનો વીડિયો હાલ વાઈરલ થયો છે. પોલીસ દારૂની હેરાફેરી કરી રહેલા કારચાલકો ઉપરાંત વીડિયોમાં દેખાતા લોકો સામે પણ કાર્યવાહી કરે તેવી શક્યતા છે. દમણ તરફથી જીજે-૦૫-જીઓ-૭૨૦૫ નંબરની ક્રેટા કાર પુરપાટ ઝડપે ડુંગરી નેશનલ હાઈવે પરથી પસાર થઈ રહી હતી. ડુંગરી બ્રિજ ઉતરતી સમયે કોઈ કારણોસર કાર ડિવાઈડર સાથે અથડાતા પલટી ગઈ હતી. કારમાં સવાર લોકોને તો સામાન્ય ઈજા થઈ હોય દારૂના જથ્થા સાથેની કાર મૂકી નાસી છૂટ્યા હતા. રસ્તા પર દારૂની રેલમછેલ થતા જ કેટલાક રાહદારીઓએ તક ઝડપી લીધી હતી અને હાથમાં જેટલી બોટલો આવી એટલી લઈને ચાલતી પકડી હતી. લોકોએ પોલીસનો કોઈ ડર રાખ્યા વગર જ દારૂની બોટલો લેવા પડાપડી કરતા જાેવા મળ્યા હતા.