વિકાસનો લક્ષ કામોને અગ્રતા ના સૂત્રને ખરા અર્થમાં સાર્થક સાબિત કરતા ધારાસભ્ય મહેશ કસવાળા.

સરકારશ્રી માંથી જોબ નંબર આવી ગયા બાદ અટકી પડેલા કામોની અગ્રતા અને વિકાસની હરણફાળ ભરવામાં હંમેશા અગ્રેસર રહેનાર કરમિષ્ઠ ધારાસભ્ય મહેશ કસવાળા દ્વારા 6 કરોડ 20 લાખના ખર્ચે 8 કિલોમીટર ના રોડનું ભૂમિપૂજન સાંસદ નારણભાઈ કાછડીયા અને ધારાસભ્ય કસવાળાના વરદહસ્તે કરવામાં આવ્યું હતું. છેલ્લા બે વર્ષથી સાવરકુંડલાના ભુવા-ધાર ગામનો નોન પ્લાન રોડ મંજૂર થઈ ગયા બાદ અમુક વિધનસંતોષીઓ દ્વારા આ માર્ગ ચાલુ કરવામાં હવનમાં હાડકા નાખ્યા હતા ત્યારે વિકાસનો એકમાત્ર લક્ષ સાથે સાવરકુંડલા લીલીયા વિધાનસભા મતક્ષેત્રમાં પ્રતિનિધિત્વ કરતા ધારાસભ્ય મહેશભાઈ કસવાળા એ ખોરંભે ચડેલ 6 કરોડ 20 લાખનો માર્ગ સુંદર અને રળિયામણા સાથે આજુબાજુના 10 ગામડાઓ માટે આશીર્વાદ રૂપ માર્ગ બને તે માટે આજે 8 કિલોમીટરના માર્ગ નું ભૂમિપૂજન કરવામાં આવ્યું હતું

જેમાં તાલુકા ભાજપના પ્રમુખ જીવનભાઈ વેકરીયા , જિલ્લા પંચાયત સદસ્ય અને લોકસભાના સંયોજક પુનાભાઈ ગજેરા, સાવરકુંડલા એપીએમસીના ચેરમેન દિપકભાઈ માલાણી, રાણાભાઈ રાદડીયા, તાલુકા પંચાયત પ્રમુખ જીતુભાઈ કાછડીયા, લલીતભાઈ બાળધા, મહેશભાઈ ભાલાળા, વિપુલભાઈ શિંગાળા, ચેતનભાઈ માલાણી, અતુલભાઈ રાદડીયા અને જયેશભાઈ મહેતા ખાસ ઉપસ્થિત રહ્યા હતા.આ ભુવા-ધાર ગામનો 8 કિલોમીટરનો માર્ગ 6 કરોડ 20 લાખના ખર્ચે બનશે ત્યારે ભુવા, ખડકાળા, પિયાવા, ધાર, બોરાળા, નાના ભામોદ્રા સહિતના ગામડાઓને ફાયદો થશે તેમ સત્વ અટલધારા ના ઇન્ચાર્જ જે.પી.હીરપરા એ અખબારી યાદીમાં જણાવ્યું છે.