વેટ્ટૈયાં ફિલ્મે ૧૦ દિવસમાં ભારતમાં ૧૦૦ કરોડથી વધુનું કલેક્શન કર્યું

સાઉથ અને બોલિવૂડ સિનેમાએ હવે ઘણી પ્રગતિ કરી છે. હવે આ બંને સ્ટ્રીમની ફિલ્મો જ ૧૦૦૦ કરોડથી વધુની કમાણી કરી રહી છે. છેલ્લા કેટલાક વર્ષોમાં શાહરૂખ ખાન, પ્રભાસ અને યશની ફિલ્મોએ અજાયબીઓ કરી છે. આવી સ્થિતિમાં બોલિવૂડ અને સાઉથ ઈન્ડસ્ટ્રીના બે દિગ્ગજ કલાકારો આ યાદીમાં પોતાનું નામ સામેલ કરવા આગળ આવ્યા છે. બંનેએ ૩૩ વર્ષ બાદ ફરી એક ફિલ્મમાં સાથે કામ કર્યું છે. ફિલ્મને લોકો તરફથી પણ સારો પ્રતિસાદ મળી રહ્યો છે. અમે વાત કરી રહ્યા છીએ સાઉથની ફિલ્મ વેટ્ટૈયાની.

આ ફિલ્મ રિલીઝ થયાને ૧૦ દિવસ વીતી ગયા છે. ચાલો જાણીએ કે રજનીકાંત અને અમિતાભ બચ્ચનની આ ફિલ્મે કેટલી કમાણી કરી છે. વેટ્ટાયનને રિલીઝ થયાને ૧૦ દિવસ થઈ ગયા છે અને આ ૧૦ દિવસમાં ફિલ્મે ભારતમાં ૧૦૦ કરોડ રૂપિયાથી વધુનું કલેક્શન કર્યું છે. ફિલ્મની કમાણીના લેટેસ્ટ આંકડા આવી ગયા છે. હિન્દી દર્શકોમાં આ ફિલ્મને લઈને કોઈ મોટો ક્રેઝ નથી પરંતુ સાઉથમાં તેને ખૂબ પસંદ કરવામાં આવી રહી છે. આ ફિલ્મે ભારતની તમામ ભાષાઓમાં ૧૦ દિવસમાં ૧૨૪.૭૫ કરોડ રૂપિયાનું કલેક્શન કર્યું છે. આ ફિલ્મ હિન્દીમાં માત્ર ૩.૩૪ કરોડ રૂપિયાની કમાણી કરી શકી હતી. આ સિવાય આ ફિલ્મે ૧૦૭ કરોડ રૂપિયાનું કલેક્શન કરીને તમિલમાં ધૂમ મચાવી દીધી છે.

જાે ફિલ્મના વર્લ્ડવાઈડ કલેક્શનની વાત કરીએ તો તેની ૯ દિવસની કમાણીના આંકડા આવી ગયા છે. આ આંકડાઓ પરથી અંદાજ લગાવી શકાય છે કે સાઉથની આ ફિલ્મને વિદેશમાં પણ ઘણી પસંદ કરવામાં આવી રહી છે. શાનદાર સ્ટાર કાસ્ટથી સજ્જ આ ફિલ્મે વિશ્વભરમાં ૮ દિવસમાં ૩૦૦ કરોડ રૂપિયાથી વધુનું કલેક્શન કર્યું છે. ૩૦૨.૧૨ કરોડની કમાણી કરીને આ પ્રકારની સિદ્ધિ મેળવનારી આ ફિલ્મ અમિતાભ બચ્ચનની બીજી ફિલ્મ બની છે. અમિતાભ અને રજનીકાંતની જાેડીની વાત કરીએ તો તેઓ છેલ્લે ૩૩ વર્ષ પહેલા ૧૯૯૭માં એક ફિલ્મમાં જાેવા મળ્યા હતા.

આ ફિલ્મમાં ગોવિંદાની પણ મહત્વની ભૂમિકા હતી. હવે ૩૩ વર્ષ પછી પણ આ અનોખી જાેડીનો જાદુ બોક્સ ઓફિસ પર જાેવા મળી રહ્યો છે. ટીજે જ્ઞાનવેલ દ્વારા દિગ્દર્શિત આ એક તમિલ ભાષાની એક્શન-ડ્રામા ફિલ્મ છે. આ સિવાય જાે ફિલ્મની કાસ્ટની વાત કરીએ તો તેમાં અમિતાભ બચ્ચન, રજનીકાંત, દુશારા વિજયન, ફહદ ફાસિલ અને રાણા દગ્ગુબાતી જેવા કલાકારો પણ સામેલ છે. આ ફિલ્મ દિવાળી સુધીમાં ભારતમાં ૨૦૦ કરોડ રૂપિયાની કમાણી કરી શકશે કે કેમ તે જાેવું રહ્યું.