શાહરૂખની ફિલ્મ પઠાણના વખાણ કરતાં ફેમસ કોમેડિયને પાકિસ્તાનના ‘પઠાણ’ પર કટાક્ષ કર્યો

પાકિસ્તાનના કોમેડિયન અનવર મકસૂદના ફેન્સની ઈન્ડિયામાં પણ કોઈ કમી નથી. તેમનો કાર્યક્રમ ‘લૂઝ ટોક્સ’ સોશિયલ મીડિયા પર ખૂબ જ લોકપ્રિય બન્યો હતો અને આજે પણ ફેન્સ તેની નકલ કરતા રહેતા હોય છે. વ્યંગની દુનિયામાં તેને પાકિસ્તાનમાં બહોળા પ્રમાણમાં સાંભળવામાં આવે છે. તેમની સેન્સ ઓફ હ્યુમર પણ અદ્ભુત છે, અને આ જ કારણથી તે પાકિસ્તાન અને ભારતના લોકોની પસંદ છે. જાેકે, હાલ અનવર મકસૂદનો એક વીડિયો સોશિયલ મીડિયા પર વાયરલ થઈ રહ્યો છે, જેમાં તેણે બોલિવૂડ સુપરસ્ટાર શાહરૂખ ખાનની ફિલ્મ પઠાણની પ્રશંસા કરી હતી.

આ સિવાય તેણે આડકતરી રીતે પાકિસ્તાનના પૂર્વ વડાપ્રધાન ઈમરાન ખાન વિશે પણ વાત કરી હતી. અનવર મકસૂદનો એક વીડિયો સોશિયલ મીડિયા પર વાયરલ થઈ રહ્યો છે જે, પાકિસ્તાન લિટરેચર ફિલ્મ ફેસ્ટિવલ ૨૦૨૩નો છે. આ ફેસ્ટમાં તે સ્ટેજ પર તેમની એવરગ્રીન સ્ટાઈલમાં જાેવા મળી રહ્યાં છે અને દર્શકો પણ તેમના પરફોર્મન્સનો આનંદ લઈ રહ્યો છે. તેમણે આ ફેસ્ટિવલમાં ટ્રેન્ડિંગ ટોપીકમાં ફિલ્મ પઠાણને પસંદ કરી હતી. જેમાં તેમણે ભારતના પઠાણ એટલે કે, શાહરૂખ ખાન વિશે વાત કરી હતી, જાેકે, ફિલ્મના પઠાણ અને પાકિસ્તાનના પઠાણ અંગે કટાક્ષ કરતા તેમણે ઘણુ બધુ કહી દીધુ હતુ. શાહરૂખ ખાનના પઠાણના વખાણ કરતા તેમણે કહ્યું કે, પઠાણે ભારતમાં જબરદસ્ત કમાણી કરી છે.

આના પર તમામ પાકિસ્તાની દર્શકો તાળીઓ પાડતા જાેવા મળ્યા હતા. ત્યારબાદ અનવર મકસૂદે પાકિસ્તાનના પૂર્વ વડાપ્રધાન ઈમરાન ખાનનો ઉલ્લેખ કરતા કહ્યું કે, પાકિસ્તાનના પઠાણને કોઈ સફળતા મળી રહી નથી. પાકિસ્તાનના પઠાણ પર માત્ર હ્લૈંઇ જ લગાવવામાં આવી રહી છે. શાહરૂખ ખાનની પઠાણની વાત કરીએ તો ફિલ્મે જબરદસ્ત કમાણી કરી છે. જ્યાં એક તરફ આ ફિલ્મે ભારતમાં ૫૦૦ કરોડથી વધુની કમાણી કરી છે, તો બીજી તરફ આ ફિલ્મે વિશ્વભરમાં ૧૦૦૦ કરોડથી વધુની કમાણી કરી છે. હજુ પણ ફિલ્મની કમાણી ચાલુ છે.