શેર બજારમાં રોકાણથી નફાની લાલચ આપી ૯૬.૯૨ લાખની ઠગાઈ

કડીની વિવેકાનંદ સોસાયટીમાં રહેતા એક કંપનીના માલિક અને તેમના મિત્રો સાથે કડી, સુરત, અમદાવાદના ૬ શખ્સોએ કાવતરું કરી શેરબજારમાં નાણાં રોકી મોટો ફાયદો કરાવી આપવાનો વિશ્વાસ આપી રૂ. ૯૬.૯૨ લાખની છેતરપિંડી કરી હોવાની ફરિયાદ કડી પોલીસ સ્ટેશનમાં નોંધાઇ છે.કડીના મેહુલભાઇ મનુભાઇ પટેલ તથા તેમના મિત્રોને શેર બજારમાં નાણાં રોકો તો મોટો ફાયદો કરી આપીશું તેવો ૬ શખ્સોએ વિશ્વાસ આપી ડિસેમ્બર ૨૦૨૧ થી ૨ સપ્ટેમ્બર ૨૦૨૨ સુધીમાં તેમની પાસેથી રૂ. ૯૬.૯૨ લાખ લઇ વિશ્વાસઘાત કરી ખોટું રેકર્ડ બનાવી તેનો સાચા તરીકે ઉપયોગ કરી છેતરપિંડી કરી હતી.

દેસાઇ અરૂણભાઇ નવિનચંદ્રના નામનું વેલવર્થ કંપનીનું ખોટું સ્ટેટમેન્ટ બનાવી બનાવટી દસ્તાવેજ ઊભો કર્યો હતો. જે અંગે મેહુલભાઇ મનુભાઇ પટેલે કડી પોલીસ સ્ટેશનમાં રાજન અરવિંદભાઇ શાહ, અરવિંદભાઇ અમરતલાલ શાહ, કેતન અરવિંદભાઇ શાહ (ત્રણેય સપના સોસાયટી, કડી-થોળ રોડ), મનન જતિનભાઇ શાહ ( જૈન દેરાસરની પાછળ ફ્લેટમાં કડી), કોરડીયા શ્વેત ધીરજભાઇ (સુરત) અને પૂર્વ પટેલ (અમદાવાદ) વિરુદ્ધ છેતરપિંડી અંગે ફરિયાદ નોંધાવી છે.