શ્રી વિદ્યાગુરુ ફાઉન્ડેશન દ્વારા સાવરકુંડલામાંમોરારિબાપુની નિશ્રામાં પર્વ ત્રયોદશી – ૨૦૨૪ ની દબદબાભેર ઉજવણી

સાહિત્ય, શિક્ષણ અને આરોગ્ય ક્ષેત્રે સાવરકુંડલા ખાતે સુપેરે કાર્યરત સંસ્થા શ્રી વિદ્યાગુરુ ફાઉન્ડેશન દ્વારા પ્રતિવર્ષની જેમ પર્વ ત્રયોદશી કાર્યક્રમનું આગામી ૧૦ અને ૧૧ જાન્યુઆરીના રોજ શ્રી જે.વી.મોદી હાઇસ્કુલ ગ્રાઉન્ડમાં આયોજન થયું હતું.આ કાર્યક્રમ ૧૩ વર્ષથી સાતત્યપૂર્ણ રીતે ઉજવાય રહ્યો છે. દેશ વિદેશના દાતાશ્રીઓ, આમંત્રિત મહાનુભાવો, વિવિધ કલા સાધકો, સાહિત્યકારો અને સંસ્થા સાથે જોડાયેલા શુભેચ્છકો બહોળી સંખ્યામાં આ કાર્યક્રમમાં ઉપસ્થિત રહે છે.નવ વર્ષ પૂર્વે આ સંસ્થા દ્વારા સ્થપાયેલ તદ્દન નિઃશુલ્ક હોસ્પિટલ લલ્લુભાઈ શેઠ આરોગ્ય મંદિર જનસમાજને અભૂતપૂર્વ પ્રતિસાદ સાંપડ્યો છે

અને આ નવ વર્ષમાં સોળથી વધુ લોકોએ આ આરોગ્ય સેવાનો લાભ લીધો છે. સમાજની અપેક્ષાથી પ્રેરાઈને આ આરોગ્ય મંદિરમાં નવા વિભાગોનું મંગલ પ્રારંભ પર્વ ઉજવાયું. આ અંતર્ગત ‘ઘૂંટણ અને થાપાના સાંધા બદલવાના ઓપરેશન (ની અને હીપ રીપ્લેસમેન્ટ) તથા મણકાના ઓપરેશનના વિભાગનું લોકાર્પણ લલ્લુભાઈ શેઠ આરોગ્ય મંદિર ખાતે પૂજ્ય મોરારીબાપુના વરદ હસ્તે સંપન્ન થયું. નિરંજન રાજ્યગુરૂને ‘મનુભાઈ પંચોલી – દર્શક સાહિત્ય સન્માન, નીલેશ રાણાને ‘ઉમાશંકર જોશી વિશ્વ ગુર્જરી સન્માન, પરી બલદેવપરી જવેરપુરી લલ્લુભાઈ શેઠ શિક્ષણ સન્માન, ઉર્વીશ વસાવડા ને ‘નાનાભાઈ હ જેબલિયા સ્મૃતિ સાહિત્ય પુરસ્કાર, પૂજા દવેને રાવજી પટેલ યુવા સંગીત પ્રતિભા અને જુગલ દરજીને ‘રાવજી પટેલ યુવા કવિ પ્રતિભા સન્માન પૂજ્ય મોરારી બાપુના હસ્તે એનાયત થયા.આ પ્રસંગે સુખ્યાત સાહિત્યકાર  રતિલાલ બોરીસાગર અને અમેરિકા સ્થિત જાણીતા લેખક નટવર ગાંધી ઉપસ્થિત રહ્યા હતા. પૂજ્ય મોરારી બાપુ આ પ્રસંગે મંગલ ઉદબોધન કર્યું. કાર્યક્રમનું સંકલન પ્રણવ પંડ્યા કર્યું હતું. આ પ્રસંગે  રતિલાલ બોરીસાગર,ધારાસભ્ય મહેશ કસવાલા, સવજીભાઈ ધોળકિયા, નટવરભાઈ ગાંધી (પૂર્વ સી.એફ.ઓ.વોશિંગ્ટન ડી.સી.), ભદ્રાયું વચ્છરાજાની, પૂર્વ ધારાસભ્ય અંબરીશ ડેર, છેલભાઈ વ્યાસ, મનોજ જોશી, ભક્તિરામ બાપુ (માનવ મંદિર)  ઉપસ્થિત રહ્યા હતા.