શ્રી વી.ડી.કાણકિયા આર્ટસ એન્ડ શ્રી એમ.આર.સંઘવી કોમર્સ સાવરકુંડલા ખાતે N.S.S./N.C.C/ રેડ ક્રોસ યુથ ક્લબ દ્વારા  એક દિવસીય “સ્વચ્છતા અભિયાન” કાર્યક્રમ યોજાયો.

શ્રી નૂતન કેળવણી મંડળ સંચાલિત શ્રી વી.ડી.કાણકિયા આર્ટસ એન્ડ શ્રી એમ.આર.સંઘવી કોમર્સ સાવરકુંડલા ખાતે તારીખ ૨૫/૮/૨૦૨૩,શુક્રવારના રોજ N.S.S./N.C.C/રેડ ક્રોસ યુથ ક્લબ વિભાગ દ્વારા “સ્વચ્છતા અભિયાન” અંતર્ગત સમૂહ સફાઈનો કાર્યક્રમ યોજવામાં આવ્યો, જેમાં એન.એસ.એસ./એન.સી.સી/રેડ ક્રોસ વિભાગના વિદ્યાર્થી ભાઈઓ-બહેનોએ ખૂબ ઉત્સાહ અને મહેનતથી કોલેજનું બિલ્ડીંગ, મેદાન, લાયબ્રેરી,સભાખંડ,બાગ-બગીચો,કોમ્પ્યુટર લેબ સમગ્ર કેમ્પસની સઘન સફાઈ કરી હતી. આ કાર્યક્રમના પ્રારંભમાં કોલેજ સ્ટાફ પરિવાર દ્વારા દીપ પ્રાગટ્ય કરી સરસ્વતી પૂજન કરવામાં આવ્યું હતું,ત્યારબાદ કોલેજના આચાર્યશ્રી પ્રિ.ડો.એસ.સી.રવિયા સાહેબે પ્રાસંગિક ઉદબોધન કર્યું હતું તેમજ આ કોલેજમાં કાર્યરત એવા પાંચ સફાઈ કર્મીઓનું કોલેજ દ્વારા અભિવાદન કરવામાં આવ્યું હતું. પ્રો.ડો.એમ.જે.પટોળીયા (N.S.S. પ્રોગ્રામ ઓફિસર)ના નેતૃત્વમાં આ કાર્યક્રમ યોજાયો હતો. સમગ્ર કાર્યક્રમને સફળ બનાવવા માટે પ્રિ.ડો.એસ.સી.રવિયા સાહેબ, વા.પ્રિ.પ્રો.રિન્કુબેન, ડો.એ.કે.પરમાર, ડો.દિલીપભાઈ ભટ્ટ, ડો. બી.ડી.વરુ, ડો.પી.ડી.રાણીપા,ડો.હરેશભાઈ દેસરાણી,પાર્થભાઈ ગેડિયા,ચૌહાણ વિપુલભાઇ તથા સમગ્ર સ્ટાફે કાર્યક્રમને સફળ બનાવવા  વિશેષ જહેમત ઉઠાવેલ.