સાવરકુંડલા કાણકિયા કોલેજ ખાતે વાર્ષિકોત્સવ ઉજવાયો.

આજરોજ સાવરકુંડલા કાણકિયા કોલેજ ખાતે ૫૩માં વાર્ષિક મહોત્સવની ઉજવણી ખૂબ જ ઉત્સાહપૂર્ણ વાતાવરણમાં કરવામાં આવી. આ પ્રસંગે દિપ પ્રાગટ્ય માનવમંદિર પૂજ્ય ભક્તિરામબાપુ તેમજ ડાયમંડ અગ્રણી દેવચંદભાઈ કપોપરા અને કરશનભાઈ ડોબરીયા તેમજ મેનેજીંગ ટ્રસ્ટી જયંતિભાઈ વાટલીયા અને કનુભાઈ ગેડીયા તેમજ કોલેજના પ્રિન્સિપાલ ડો. રવિયા  દ્રારા કરવામાં આવેલ. આ પ્રસંગે પૂજ્ય ભક્તિરામબાપુનું પુષ્પગુચ્છથી સંસ્થાના ટ્રસ્ટી જયંતિભાઈ વાટલીયા દ્રારા સન્માન કરવામાં આવેલ. .આ પ્રસંગે ઉપસ્થિત તમામ મહાનુભાવોનું હાર્દિક શાબ્દિક સ્વાગત પણ કરવામાં આવેલ. આ કાર્યક્રમનું સંચાલન કોલેજની વિધાર્થીની દ્રારા ખૂબ જ સુંદર રીતે કરવામાં આવ્યું હતું. આ તકે પૂજ્ય ભક્તિરામબાપુએ ઉપસ્થિત સરસ્વતીના સાધકોને ખૂબ ઉજ્જ્વળ સફળતા પ્રાપ્ત થાય તેવા આશીર્વાદ સાથે ભારતીય સંસ્કૃતિનું સંવર્ધન અને જતન કરવામાં આવે  તેવું આગ્રહપૂર્વક જણાવ્યું હતું કોલેજના પ્રિન્સિપાલ ડો.શૈલેષભાઈ રવિયાની આગેવાનીમાં સાંસ્કૃતિક કાર્યક્રમ અને ઈનામ વિતરણ કાર્યક્રમનું પણ ખૂબ સુંદર આયોજન કરવામાં આવ્યું હતું. એકંદરે ખૂબ ઉત્સાહપૂર્ણ વાતાવરણમાં કોલેજનો વાર્ષિકોત્સવ વિદ્યાદેવીના ઉપાસકો માટે એક સોનેરી સુખદ સંભારણું બની રહે તેવી રીતે ઉજવાયો.