સાવરકુંડલા તાલુકા હેલ્થ ઓફિસ ખાતે આશા વર્કર બહેનો ની દસ દિવસીય ટ્રેનિંગ તેમજ સંમેલનની ઉજવણી કરવામાં આવી.

માતા અને બાળક ના મૃત્યુ અટકાવવા માટે આશા બહેનો ને મૂળભૂત તાલીમ આપવામાં આવી.સાવરકુંડલા તાલુકા હેલ્થ ઓફિસ ખાતે આશા વર્કર બહેનો ની દસ દિવસીય ટ્રેનિંગ તેમજ સંમેલનની ઉજવણી કરવામાં આવી હતી જેમાં ધારાસભ્ય મહેશભાઈ કસવાલા ની પ્રેરક ઉપસ્થિતિ અને માર્ગદર્શન આપવામાં આવ્યું હતું. સાવરકુંડલા તાલુકા હેલ્થ ઓફિસર ડોક્ટર મીના તથા ડોક્ટર પારધી દ્વારા આશા બહેનોને એચ.બી.એન.સી. અને એચ બી વાય.સી. ની તાલીમ દસ દિવસની આપવામાં આવી હતી. જેમાં માતા અને બાળક ના મૃત્યુ અટકાવવા માટે આશા બહેનો ને મૂળભૂત તાલીમ આપવામાં આવી અને અંતિમ દિવસે આશા સંમેલન માં ધારાસભ્ય મહેશભાઈ કસવાલા દ્વારા માતા અને બાળકને બચાવવા માટે થતા તમામ શક્ય પ્રયત્નો આશા બહેનો દ્વારા ગામડે ગામડે કરવામાં આવે છે તેની પ્રશંસા તેમજ તેમને સાડી આપી પ્રોત્સાહિત કરવામાં આવ્યા.અને તેમને પડતી અડચણો ની ચર્ચા તેમજ સમાધાન આપવામાં આવ્યું. આ કાર્યક્રમને સફળ બનાવવા સુપરવાઇઝર સંજયભાઈ, ચાવડા બેન, રોહિતભાઈ, અશોકભાઈ તેમજ અન્ય તમામ ભારે જહેમત ઉઠાવી હતી.