સાવરકુંડલા શહેરમાં સમસ્ત બ્રહ્મ સમાજ પરિવાર પ્રેરિત ૧૧ મો શક્તિ નવરાત્રિ મહોત્સવ મંગલ પ્રારંભ.

સાવરકુંડલા સમસ્ત બ્રહ્મસમાજ પ્રેરિત બ્રહ્મસેના દ્વારા શક્તિ નવરાત્રી મહોત્સવ માં જગદંબાની આરાધના ઉપાસના અને ભક્તિ પૂર્ણ વાતાવરણમાં માઁ ના ગુણલાં ગાવા માટે શ્રેષ્ઠ વાતાવરણ પ્રદાન કરતાં બ્રહ્મસેના દ્વારા પ્રશંસનીય કામગીરી કરવામાં આવેલ છે. માઁ ની ઉપાસના અને શક્તિ ભક્તિના પર્વ પર  સાવરકુંડલામાં સેવાકીય ક્ષેત્રે અગ્રેસર બ્રહ્મસેના દ્વારા ૧૫૦૦ જેટલા બ્રાહ્મણ પરિવાર ને  આપણી પ્રાચીન પરંપરા ને અર્વાચીન સ્વરૂપે સાકાર કરવાના હેતુથી સાવરકુંડલા શહેરમાં બ્રહ્મપુરી કાણકીયા કોલેજ રોડ ખાતે તારીખ ૧૫ ઓકટોબરથી તારીખ ૨૪ ઓકટોબર દશેરા સુધી દર વર્ષની જેમ આ વર્ષે પણ ૧૧ મો શક્તિ નવરાત્રિ મહોત્સવનું આયોજનનો મંગલ પ્રારંભ  કરવામાં આવ્યો હતો. બ્રહ્મપુરી ખાતે માઁ ભગવતીની ભક્તિ અને નવલાં નોરતા ની ઉજવણી માં તમામ ભૂદેવ પરિવાર દ્વારા માની મંગળ આરતી કરવામાં આવી. ત્યારબાદ ગરબા કરી અને માં ભગવતીના સૌને આશીર્વાદ મળી રહે એ ઉદ્દેશથી છેલ્લા દસ વર્ષથી બ્રહ્મસેના દ્વારા આ આયોજન થાય છે. આ વખતે શક્તિ નવરાત્રી મહોત્સવ ના મુખ્ય સ્પોન્સર મુકેશભાઈ જોશી (આશુતોષ પેટ્રોલિયમ-ખાંભા) છે. તેમ બ્રહ્મ સેના ના પ્રમુખ કિરીટભાઈ મહેતા તેમજ માર્ગદર્શક ચિરાગભાઈ આચાર્ય અને કન્વીનર હરિત ભાઇ જોશી દ્વારા એક યાદીમાં જણાવાયું છે.