સાવરકુંડલા શહેરમાં સેવા ક્ષેત્રે અનોખું સ્થાન ધરાવતાં સદ્દભાવના ગ્રુપ દ્વારા ભવ્ય આગમન શોભાયાત્રા કાઢવામાં આવી.. વાજતે ગાજતે ગણપતિજીનાં આગમનની એ અલભ્ય ક્ષણોથી ભાવિકો ભાવવિભોર બન્યા. 

જે. વી. મોદી હાઈસ્કૂલના વિશાળ પટાંગણમાં પ. પૂ. ઉષામૈયા (શિવ દરબાર આશ્રમ કાના તળાવ) દ્વારા ગણપતિ દાદાનું પૂજન કરી ખૂબ જ ધામધૂમથી આસ્થાભેર સ્થાપન કરવામાં આવેલ. સાવરકુંડલા શહેરમાં સેવા ક્ષેત્રે અનોખું સ્થાન ધરાવતાં સદ્દભાવના ગ્રુપ દ્વારા ગણપતિ બાપ્પા મોરીયા , જય ગણેશના નાદ સાથે વાજતે ગાજતે વિધ્નહર્તા શ્રી ગણેશજીની આગમન શોભાયાત્રા કાઢવામાં આવી હતી, જેમાં ૨૫૧  દીકરીઓ દ્વારા કળશ યાત્રા યોજવામા આવી હતી. ત્યાર બાદ જે.વી. મોદી હાઈસ્કૂલ મેદાનમાં પ પૂ ઉષામૈયા (શિવ દરબાર આશ્રમ)  દ્વારા દાદાનું પૂજન  કરી સ્થાપન કરવામાં આવ્યું હતું.આ ગણેશ મહોત્સવ દરમિયાન રોજ શૃંગાર, છપ્પનભોગ, સહિત વિવિધ અલગ અલગ પ્રકારના દર્શન સહિત ધાર્મિક – સામાજીક કાર્યક્રમો યોજવામાં આવશે.