‘સિંઘમ અગેઇન’એ ૨૦૦ કરોડથી વધુની કમાણી કરી

આ દિવાળીએ રોહિત શેટ્ટી અને અજય દેવગનની ફિલ્મ ‘સિંઘમ અગેન’ રીલિઝ થઈ હતી. આ ફિલ્મે શરૂઆતના દિવસથી જ બોક્સ ઓફિસ પર ખૂબ સારું કલેક્શન કર્યું છે. હાલમાં આ ફિલ્મ તેના બીજા સપ્તાહમાં છે, અત્યાર સુધી આ ફિલ્મનું નામ અજય દેવગનની સૌથી વધુ કમાણી કરનારી ફિલ્મોમાં જાેડાઈ ગયું છે. રિપોર્ટ્‌સ અનુસાર સિંઘમ અગેઇન એ ૨૦૬.૫૦ કરોડ રૂપિયાની કમાણી કરી છે. દર્શકો ‘સિંઘમ અગેન’ને લઈને ખૂબ જ ઉત્સાહિત હતા, કારણ કે આ ફિલ્મમાં ઘણા મોટા સ્ટાર્સ સાથે જાેવા મળ્યા છે. ‘સિંઘમ અગેન’ ૧ નવેમ્બરે રિલીઝ થઈ હતી, ફિલ્મની કમાણીની વાત કરીએ તો ‘સિંઘમ અગેન’ રોહિત શેટ્ટી અને અજય દેવગનની જાેડીની સૌથી વધુ કમાણી કરનાર ફિલ્મ બનવા તરફ આગળ વધી છે.

સકનિલ્કના રિપોર્ટ અનુસાર, ‘સિંઘમ અગેઇન’એ પહેલા અઠવાડિયામાં ૧૭૩ કરોડ રૂપિયાની કમાણી કરી હતી, જ્યારે બીજા અઠવાડિયાના વીકએન્ડની વાત કરીએ તો ફિલ્મના કલેક્શનમાં વધારો થયો છે. રોહિત શેટ્ટી અને અજય દેવગણે અત્યાર સુધીમાં લગભગ ૧૧ ફિલ્મો સાથે કરી છે. આ ફિલ્મોમાં ‘ગોલમાલ અગેન’ને ‘સિંઘમ અગેન’એ પછાડી દીધી છે. ‘ગોલમાલ અગેઇન’એ કુલ ૨૦૫ કરોડ રૂપિયાનું બોક્સ ઓફિસ કલેક્શન કર્યું છે.

ઓપનિંગ ડેના કલેક્શન પર નજર કરીએ તો ‘સિંઘમ અગેઇન’એ બીજા વીકએન્ડના પહેલા દિવસે ૪૩.૫ કરોડ રૂપિયાની કમાણી કરી હતી, બીજા દિવસે ‘સિંઘમ અગેઇન’એ ૧૨.૨૫ કરોડ રૂપિયાની કમાણી કરી હતી. ત્રીજા દિવસે તેણે ૧૩.૨૫ કરોડની કમાણી કરી છે. ‘સિંઘમ અગેન’ એ કોપ યુનિવર્સ ની પાંચમી ફિલ્મ છે, તેની પ્રથમ ફિલ્મ વર્ષ ૨૦૧૧ માં આવેલી ‘સિંઘમ’, બીજી ‘સિંઘમ રિટર્ન્સ’ વર્ષ ૨૦૧૪, ત્રીજી ‘સિમ્બા’ વર્ષ ૨૦૧૮ માં, ચોથી ‘સૂર્યવંશી’ વર્ષ ૨૦૨૧ અને પાંચમું ‘સિંઘમ અગેઇન’. આ ફિલ્મમાં અજય દેવગન, અક્ષય કુમાર, રણવીર સિંહ, જેકી શ્રોફ, કરીના કપૂર, અર્જુન કપૂર, દીપિકા પાદુકોણ જેવા અન્ય મહાન કલાકારો છે. ‘સિંઘમ અગેન’ની વાર્તા રામાયણની વાર્તા પર આધારિત છે.