સિહોરમાં ‘પરીક્ષા પે ચર્ચા’ અંતર્ગત ચિત્ર સ્પર્ધામાં ૩૦૦ થી વધુ શાળાના વિદ્યાર્થીઓએ ભાગ લીધો

વડાપ્રધાનશ્રી નરેન્દ્રભાઈ મોદી દ્વારા યોજાનાર ‘પરીક્ષા પે ચર્ચા’ અંતર્ગત સિહોરમાં બુધવારે ચિત્ર સ્પર્ધાનું આયોજન થયું હતું , જેમાં 300 થી વધુ વિવિધ સ્કૂલો ના વિદ્યાર્થીઓ એ ભાગ લીધો હતો.

        ભાવનગરમાં  ધો. ૯ થી ૧૨ સુધીના વિદ્યાર્થીઓ દ્વારા પરીક્ષા પે ચર્ચા કાર્યક્રમ અનુરૂપ વિવિધ પ્રકારના પરીક્ષામાં ચિંતા,ભય ઉભો ન થાય માટે ના સ્લોગન સાથે પોસ્ટરો તેમજ આત્મવિશ્વાસ પ્રેરક આ કાર્યક્રમ અનુરૂપ વિદ્યાર્થીઓ દ્વારા ચિત્રો દોરવા માં આવ્યા હતા.

        વિદ્યાર્થીઓને સ્થળ પર ડ્રોઈંગ પેપર તથા કલર વગેરે આપવામાં આવેલ હતા તેમજ ચિત્રોના નંબર આપી વિદ્યાર્થીઓ ને શિલ્ડ અપાયા હતા.

        આ કાર્યક્રમમાં સાંસદ શ્રીમતી ભારતીબેન શિયાળ, જિલ્લા ભાજપ અધ્યક્ષ મૂકેશભાઈ લંગાળિયા, શ્રી ધીરુભાઈ શિયાળ,શ્રી ભરતસિંહ ગોહિલ, શ્રી અશોકભાઈ ઉલવા મહામંત્રી સંગઠનના હોદ્દેદારો, મહિલાપાંખ, કાર્યકરો ખૂબ મોટી સંખ્યામાં ઉપસ્થિત રહ્યા હતા.