સીદસર ખાતે સ્પોર્ટસ કોમ્પ્લેક્ષની મુલાકાત લેતાં ગૃહ રાજ્યમંત્રી

નેશનલ ગેમ્સ અંતર્ગત ભાવનગર ખાતે પણ વોલીબોલ, બાસ્કેટ બોલ અને નેટબોલની રમત રમાવાની છે ત્યારે ગૃહ સાથે રમત-ગમત વિભાગના રાજ્યમંત્રીશ્રી એવાં હર્ષભાઇ સંઘવીએ ભાવનગરના સીદસર ખાતે આવેલ સ્પોર્ટસ કોમ્પ્લેક્ષની મુલાકાત લઇને તૈયારીઓની સમીક્ષા કરી તૈયારીઓનું નીરિક્ષણ કર્યું હતું. શિક્ષણ મંત્રીશ્રી જીતુભાઇ વાઘાણી અને મહાનુભાવો પણ આ તકે તેમની સાથે જોડાયાં હતાં.

તેમની આ મુલાકાતમાં તેમની સાથે સાંસદ શ્રીમતી ડો. ભારતીબેન શિયાળ, ધારાસભ્યશ્રી ભીખાભાઇ બારૈયા, જિલ્લા ભા.જ.પા.ના અધ્યક્ષશ્રી મુકેશભાઇ લંગાળિયા, શહેર ભા.જ.પા. અધ્યક્ષશ્રી ડો. રાજીવભાઇ પંડ્યા, મ્યુનિસિપલ કમિશનરશ્રી એન.વી. ઉપાધ્યાય, કલેક્ટરશ્રી યોગેશ નિરગુડે, આઇ.જી. શ્રી અશોકકુમાર યાદવ,  જિલ્લા વિકાસ અધિકારીશ્રી ડો. પ્રશાંત જિલોવા,  જિલ્લા પોલીસ વડાશ્રી ડો. રવિન્દ્ર પટેલ સહિતના અધિકારીઓ અને પદાધિકારીઓ ઉપસ્થિત રહ્યાં હતાં.