સુપ્રીમ કોર્ટના બન્ને જજે શું કહ્યું પોતાના ર્નિણયમાં… તે જાણો…

કર્ણાટકમાં હિજાબ પરનો પ્રતિબંધ હાલ યથાવત રહેશે. કારણ કે સુપ્રીમ કોર્ટે કર્ણાટક સરકારના ૫ ફેબ્રુઆરીના આદેશને પડકારતી અરજીઓ પર ખંડિત ચુકાદો આપ્યો. જસ્ટિસ હેમંત ગુપ્તા અને જસ્ટિસ સુધાંશુ ધુલિયાની બેન્ચે આ ચુકાદો આપ્યો હતો. જસ્ટિસ ગુપ્તાએ કર્ણાટક સરકારના પ્રતિબંધને માન્ય રાખ્યો હતો અને કર્ણાટક હાઈકોર્ટના ર્નિણય સામેની અરજીઓને ફગાવી દીધી હતી, જ્યારે જસ્ટિસ ધુલિયાએ તમામ અપીલોને મંજૂરી આપી હતી અને કર્ણાટક હાઈકોર્ટના ર્નિણયને બાજુ પર રાખ્યો હતો. જસ્ટિસ હેમંત ગુપ્તાએ હિજાબ વિવાદ પર પોતાના ર્નિણયમાં ૧૧ પ્રશ્નો ઉઠાવ્યા અને કહ્યું કે હું આ મામલે કર્ણાટક હાઈકોર્ટના ર્નિણયને યથાવત રાખું છું. તેમણે કહ્યું કે શું આ મામલો બંધારણીય બેંચને મોકલવો જાેઈએ? વિદ્યાર્થીઓ યુનિફોર્મ પહેરે કે હિજાબ પહેરે તે અંગે શૈક્ષણિક સંસ્થા કોઈ ર્નિણય લઈ શકે છે? શું હિજાબ પર પ્રતિબંધ મૂકવો એ કલમ ૨૫નું ઉલ્લંઘન છે? શું વિદ્યાર્થીઓને કલમ ૧૯, ૨૧, ૨૫ હેઠળ કપડાં પસંદ કરવાનો અધિકાર મળે છે? કલમ ૨૫ ની મર્યાદા શું છે?..

તેમણે વધુમાં કહ્યું કે શું સરકારના આદેશથી મૂળભૂત અધિકારોનું ઉલ્લંઘન થઈ રહ્યું છે? શું વિદ્યાર્થિનીઓની માંગ છે કે ધાર્મિક ઓળખની વસ્તુઓને મૂળભૂત અધિકાર તરીકે ગણી શકાય? વ્યક્તિગત સ્વતંત્રતા અને ગોપનીયતાના અધિકારની વ્યાખ્યા કેવી રીતે કરવી? શું સરકારના આદેશથી શિક્ષણનો ઉદ્દેશ્ય યોગ્ય સ્તરે પહોંચે છે? મારા મત મુજબ જવાબ એ છે કે આ પિટિશન ફગાવી દેવી જાેઈએ. જસ્ટિસ ધુલિયાએ પસંદગીની બાબત કહી કઈક આ રીતની. જેમાં જસ્ટિસ સુધાંશુ ધુલિયાએ કહ્યું કે મારા ચુકાદાનો મુખ્ય ભાર એ છે કે વિવાદ માટે જરૂરી ધાર્મિક પ્રથાની સંપૂર્ણ ખ્યાલ જરૂરી નથી અને હાઈકોર્ટે ખોટો રસ્તો અપનાવ્યો છે. તેણે કહ્યું, હિજાબ પહેરવું કે ન પહેરવું એ પસંદગીની બાબત છે, ન તો વધારે કે ન ઓછું. તેમણે કહ્યું કે મેં ૫ ફેબ્રુઆરીના સરકારી આદેશને રદ કર્યો છે અને પ્રતિબંધ હટાવવાનો આદેશ આપ્યો છે.

જસ્ટિસ ધુલિયાએ કહ્યું કે તેમના મનમાં શું હતું કે શું આપણે શિક્ષણના મામલામાં આવા નિયંત્રણો લાદીને વિદ્યાર્થીનીનું જીવન સારું બનાવી રહ્યા છીએ. તેમણે કહ્યું કે કુરાનનું અર્થઘટન કરવાની જરૂર નથી. છોકરીઓની પસંદગીનું સન્માન કરવું જાેઈએ. છોકરીઓ શિક્ષણ મેળવી શકે છે, તે મહત્વનું નથી કે તેણે કયો ડ્રેસ પહેરવો જાેઈએ. તેમણે વધુમાં કહ્યું કે ઘણા વિસ્તારોમાં છોકરીઓ શાળાએ જતા પહેલા ઘરના કામ પણ કરે છે. જાે આપણે તેના પર પ્રતિબંધ લગાવીશું તો છોકરીઓનું જીવન વધુ મુશ્કેલ બનશે. શું હિજાબ પ્રતિબંધ પર આગળ શું હજુ થશે એ જાણી શકીએ? આપને જણાવી દઈએ કે હિજાબ પ્રતિબંધ પર સુપ્રીમ કોર્ટના ર્નિણય બાદ કર્ણાટકમાં હિજાબ પર કર્ણાટક હાઈકોર્ટનો ર્નિણય અમલમાં રહેશે અને રાજ્યની શૈક્ષણિક સંસ્થાઓમાં લાદવામાં આવેલ હિજાબ પ્રતિબંધ આગામી આદેશ સુધી ચાલુ રહેશે.

હવે ભારતના મુખ્ય ન્યાયાધીશ લલિત હિજાબ પ્રતિબંધ પર મોટી બેંચની રચના કરશે અને મોટી બેંચ હિજાબ પર વધુ સુનાવણી કરી શકશે. અને શું છે સમગ્ર મામલો અને કેવી રીતે થઈ હતી શરૂઆત? જેમાં સમગ્ર ઘટના જાેવા જઈએ તો કર્ણાટકમાં હિજાબનો દોર આ વર્ષે જાન્યુઆરીમાં ઉડુપીની એક સરકારી કોલેજમાં શરૂ થયો હતો, જ્યાં મુસ્લિમ છોકરીઓને હિજાબ પહેરવાથી રોકવામાં આવી હતી. મેનેજમેન્ટે તેને યુનિફોર્મ કોડની વિરુદ્ધ ગણાવ્યું હતું. આ પછી આ વિવાદ કર્ણાટકના અન્ય શહેરોમાં પણ ફેલાઈ ગયો. આ મામલો કોર્ટમાં પહોંચ્યો હતો અને કર્ણાટક હાઈકોર્ટે વિદ્યાર્થીનીઓ વતી ક્લાસમાં હિજાબ પહેરવાની માંગ કરતી અરજીને ફગાવી દીધી હતી. ૧૫ માર્ચે આપેલા ચુકાદામાં હાઈકોર્ટમાં દલીલ કરવામાં આવી હતી કે હિજાબ પહેરવું એ ઈસ્લામની આવશ્યક પ્રથાનો ભાગ નથી. તેથી શાળા-કોલેજમાં યુનિફોર્મનું પાલન કરવાનો રાજ્યનો આદેશ યોગ્ય છે. તે ર્નિણય પછી પણ વિવાદ અટક્યો નહીં અને મામલો સુપ્રીમ કોર્ટમાં પહોંચ્યો.