સુપ્રીમ કોર્ટે ગેરકાયદેસર કબજાના કેસ પર સખત નારાજગી વ્યક્ત કરી

દિલ્હીમાં ડિફેન્સ કોલોનીમાં સમાધિ પર ગેરકાયદેસર અતિક્રમણ કરવા બદલ કોર્ટે ઇઉછને ઠપકો આપ્યો
સુપ્રીમ કોર્ટે દિલ્હીમાં ડિફેન્સ કોલોનીમાં કબર (શેખ અલી કી ગુમતી)ના ઇઉછ (રેસિડેન્ટ વેલ્ફેર એસોસિએશન) દ્વારા ગેરકાયદેસર કબજાના કેસ પર સખત નારાજગી વ્યક્ત કરી હતી. સુપ્રીમ કોર્ટે આરડબ્લ્યુએને ફટકાર લગાવતા કહ્યું કે, તમારી હિંમત કેવી રીતે થઈ, તમે આ કેવી રીતે કરી શકો. આ કેસમાં કોર્ટે ઓગસ્ટમાં સીબીઆઈ તપાસનો આદેશ આપ્યો હતો. સીબીઆઈએ કોર્ટમાં રિપોર્ટ સોંપ્યો, રિપોર્ટ જાેયા બાદ જસ્ટિસ સુધાંશુ ધુલિયા અને જસ્ટિસ અહસાનુદ્દીન અમાનુલ્લાહની બેન્ચે આ કેસની સુનાવણી કરી. સુપ્રીમ કોર્ટે કહ્યું,

તમારી (ઇઉછ) આ કબરમાં પ્રવેશવાની હિંમત કેવી રીતે થઈ? આરડબ્લ્યુએના વકીલે કહ્યું કે અમે દાયકાઓથી ત્યાં છીએ. જસ્ટિસ ધુલિયાએ કહ્યું કે આ કેવો તર્ક છે? જસ્ટિસ અમાનુલ્લાએ કહ્યું કે આને મંજૂરી આપી શકાય નહીં. જેના જવાબમાં વકીલે કહ્યું કે જાે આપણે ત્યાં નહીં હોઈએ તો અસામાજિક તત્વો ત્યાં આવશે. જસ્ટિસ ધુલિયાએ કહ્યું કે તમે અંગ્રેજ શાસકોની જેમ બોલી રહ્યા છો. સુપ્રીમ કોર્ટમાં દાખલ કરવામાં આવેલી અરજીમાં કહેવામાં આવ્યું હતું કે દિલ્હીની નાગરિક સંસ્થા સમાધિની આસપાસની જમીન પર શોપિંગ પ્લાઝા અને મલ્ટી-લેવલ કાર પાર્કિંગ બનાવવાનો પ્રયાસ કરી રહી છે. આ પછી, એપ્રિલમાં, છજીૈં અને સરકારે કોર્ટને કહ્યું કે તેઓએ ક્યારેય ડ્ઢઝ્રઉછને કબર ફાળવી નથી.

કોર્ટે આ મામલે છજીૈંને સવાલો પણ કર્યા હતા. કોર્ટે કહ્યું, છજીૈંએ ડ્ઢઝ્રઉછને ગેરકાયદે કબજાની પરવાનગી કેવી રીતે આપી? ૭૦૦ વર્ષ જૂની કબર સાથે તમે આ કેવી રીતે કરી શકો. કોર્ટે એમ પણ કહ્યું હતું કે ડીસીડબ્લ્યુએ દ્વારા ગેરકાયદેસર કબજાને કારણે કબરને થયેલા નુકસાનની તપાસ માટે નિષ્ણાતની નિમણૂક કરવામાં આવશે. નિષ્ણાતે ૬ અઠવાડિયામાં રિપોર્ટ સબમિટ કરવાનો રહેશે. કોર્ટે સુનાવણી દરમિયાન પોતાનો રિપોર્ટ રજૂ કરવા બદલ સીબીઆઈની પ્રશંસા કરી હતી. કોર્ટે કહ્યું કે, અલબત્ત સીબીઆઈ ઐતિહાસિક કાર્યોને જાેવામાં નિષ્ણાત નથી,

પરંતુ તેમણે આ ઐતિહાસિક ઈમારતમાં થઈ રહેલા ગેરકાયદેસર અતિક્રમણની માહિતી આપવામાં સારું કામ કર્યું છે. કોર્ટે કહ્યું કે, કોઈ નિષ્ણાત જ કહી શકે છે કે ગેરકાયદેસર અતિક્રમણને કારણે મકબરાને કેટલી હદે નુકસાન થયું છે અને તેનું કેટલું સમારકામ થઈ શકે છે. અમે એક નિષ્ણાતની નિમણૂક કરીશું, જે ૬ અઠવાડિયામાં આ બાબતોનો રિપોર્ટ આપશે. કોર્ટે એમ પણ કહ્યું કે રિપોર્ટની નકલો અને રિટ અને એફિડેવિટની નકલો નિષ્ણાતને સોંપવામાં આવે. આ ઉપરાંત, હાર્ડ અને સોફ્ટ રજિસ્ટ્રીની નકલો પણ પ્રદાન કરવી જાેઈએ. કોર્ટે આ કેસમાં અરજદાર રાજીવ સૂરીની પણ પ્રશંસા કરી હતી. ડિફેન્સ કોલોનીમાં હાજર ગુમતી મકબરો લોદી વંશના સમયમાં બનેલો મકબરો હતો. જે વર્ષો જૂની કબર છે. અરજદારે અગાઉ આ મામલે દિલ્હી હાઈકોર્ટમાં અરજી કરી હતી પરંતુ તેને ફગાવી દેવામાં આવી હતી. સર્વોચ્ચ અદાલતે જુલાઈ ૨૦૧૯માં તેની સામેની અપીલ પર નોટિસ જારી કરી હતી. ઓગસ્ટ મહિનામાં કોર્ટે સીબીઆઈને આ કેસમાં રિપોર્ટ સોંપવા કહ્યું હતું. આ પછી સીબીઆઈએ કોર્ટમાં રિપોર્ટ સોંપ્યો છે.