સુપ્રીમ કોર્ટે તપાસ એજન્સીઓ દ્વારા મોબાઈલ-લેપટોપ જપ્ત કરવા પર નારાજગી વ્યક્ત કરીતપાસ દરમિયાન મોબાઈલ-લેપટોપ જપ્ત કરવા પર સુપ્રીમ કોર્ટનો માર્ગદર્શિકા બનાવા આદેશ

સુપ્રીમ કોર્ટે તપાસ દરમિયાન તપાસ એજન્સીઓ દ્વારા મોબાઈલ ફોન અને લેપટોપ જપ્ત કરવા પર નારાજગી વ્યક્ત કરી છે. મંગળવારે સુપ્રીમ કોર્ટે કેન્દ્ર સરકારને આ અંગે માર્ગદર્શિકા બનાવવાનો આદેશ આપ્યો હતો. સુપ્રીમ કોર્ટે તપાસ એજન્સીઓની આ પદ્ધતિને ઘણી ખતરનાક ગણાવી હતી. કોર્ટે કહ્યું કે તપાસ દરમિયાન ડિજિટલ ઉપકરણોને જપ્ત કરવાની શક્તિ માત્ર ખતરનાક નથી, પરંતુ તે લોકોની ગોપનીયતાને પણ અસર કરે છે. સુપ્રીમ કોર્ટે કેન્દ્ર સરકારને ચાર સપ્તાહની અંદર આ અંગે માર્ગદર્શિકા જારી કરવાનો નિર્દેશ આપ્યો છે..

જસ્ટિસ સંજય કિશન કૌલ અને જસ્ટિસ સુધાંશુ ધુલિયાની બેંચ બે અરજીઓ પર સુનાવણી કરી રહી છે. આમાંથી એક અરજી ફાઉન્ડેશન ફોર મીડિયા પ્રોફેશનલ્સ દ્વારા દાખલ કરવામાં આવી છે. આ અરજીમાં કેન્દ્ર સરકાર પાસે ડિજિટલ ઉપકરણોને જપ્ત કરવા માટેની માર્ગદર્શિકા જારી કરવાની માંગ કરવામાં આવી છે. અરજદાર તરફથી હાજર રહેલા વકીલે કહ્યું કે આ મુદ્દો ખૂબ જ મહત્વપૂર્ણ છે કારણ કે તપાસ એજન્સીઓ ક્યારે અને શા માટે ઇલેક્ટ્રોનિક ઉપકરણોને જપ્ત કરશે તે અંગે કોઈ માર્ગદર્શિકા નથી.. કેસની સુનાવણી દરમિયાન કેન્દ્ર સરકાર તરફથી હાજર રહેલા એડિશનલ સોલિસિટર જનરલ એસવી રાજુએ કહ્યું કે કેટલાક એવા લોકો છે જેમણે વારંવાર ગુના કર્યા છે અથવા તો રાષ્ટ્ર વિરોધી તત્વો છે જે મહત્વપૂર્ણ ડેટાની ચોરી કરી શકે છે.

સરકાર આ અંગે પગલાં લઈ રહી છે. આ માટે થોડો સમય જરૂરી છે. તેના પર કોર્ટે કહ્યું કે આ મીડિયા પ્રોફેશનલ્સ છે. તેમની પાસે તેમના પોતાના સ્ત્રોત અને અન્ય માહિતી પણ છે. જાે તમે બધું લઈ લો, તો પછી સમસ્યા હશે.. સુપ્રીમ કોર્ટે કહ્યું કે આ માટે કેટલીક માર્ગદર્શિકા હોવી જાેઈએ. આ દેશ એકલી એજન્સીઓ દ્વારા ચલાવી શકાય નહીં. સરકારે એક માર્ગદર્શિકા બહાર પાડવી જાેઈએ જે બંને પક્ષોના હિતોનું રક્ષણ કરે. તેના પર એડિશનલ સોલિસિટર જનરલે કહ્યું કે અમે તમામ કાયદાકીય પાસાઓ પર વાત કરીશું. આપને જણાવી દઈએ કે સુપ્રીમ કોર્ટે આગામી સુનાવણી ડિસેમ્બર સુધી ટાળી દીધી છે.