સુરતના કામરેજમાં ગેસ લાઈનમાં ભંગાણ સર્જાતા લાગી આગ,જમીન માંથી નીકળ્યા આગના ગોટેગોટા.!

સુરતમાં ગેસ લાઈનમાં ભંગાણ સર્જાતા લાગી આગ,આગ લાગતા નાસભાગ મચી.

ઉનાળાની શરૂઆત થતાં ની સાથે જ આગની ઘટનાઓ વધતી હોય છે ત્યારે સુરતના કામરેજ માં આજે આગની ઘટના સામે આવી છે,ગેસ લાઈનમાં ભંગાણ સર્જાતા આગ ભભૂકી ઉઠી છે,આગની ઘટના લઈ નાસભાગ મચી હતી.

કામરેજ તાલુકાના લસકાણા ખાતે આવેલ ડાયમંડ નગરમાં ગેસ લાઈનમાં અચાનક આગ ભભૂકી ઉઠી હતી,આગની ઘટના બનતા નાસભાગ મચી હતી,ગેસ લાઇનમાં ભંગાણ સર્જાતા આગ લાગી હતી,ગેસની મુખ્ય લાઇન માં આગ લાગી હતી જેથી ખૂબ ભીષણ હતી,જમીન માંથી આગના ગોટે ગોટા જોઈ લોકોમાં ભયનો માહોલ જોવા મળ્યો હતો ત્યારે આગ ને કાબુ માં લેવા માટે તાત્કાલિક ફાયર બ્રિગેડ ને જાણ કરવામાં આવી હતી,કામરેજ ફાયર વિભાગની ટીમે ઘટના સ્થળે આવી આગ પર કાબુ મેળવવાનો પ્રયાસ શરૂ કર્યો હતો,આગ એટલી વીકરાર હતી કે ફાયર વિભાગને પણ આગ હોલવવામાં મુશ્કેલી પડી રહી હતી,ઘટના ને લઈ ગેસ લાઇન ના કર્મચારીઓ ને જાણ કરવામાં આવી હતી,ગેસ લાઇન માં લાગેલી આગ બી.આર.ટી.એસ બસ સ્ટેન્ડ ની સામે લાગી હતી ત્યારે આ આગની ઘટનામાં સદ્ નશીબે કોઈ જાનહાનિ થવા પામી ન હતી,આગ કયાં કારણોસર લાગી તે હજુ અકબંધ છે હાલ ફાયર વિભાગ દ્વારા ગેસ લાઈનમાં લાગેલી આગ ઉપર સતત પાણીનો છંટકાવ કરી આગને કાબુમાં લેવાના પ્રયાસો કરવામાં આવી રહ્યા છે.