સુરતના ભાજપ શાસકોએ મોકાનો પ્લોટ ૩૭૨ કરોડમાં વેચવા કાઢ્યો

સુરત મહાનગરપાલિકાની આર્થિક સ્થિતિ નબળી પડવાનું કારણ આપીને સત્તાધારી ભાજપે શહેરમાં મોકાની જગ્યાઓએ આપેલા પ્લોટ વેચવાનું નક્કી કર્યું છે જેનો વિરોધ પહેલીવાર પાલિકામાં વિરોધપક્ષમાં બેઠેલી આમ આદમી પાર્ટીએ શરૂ કર્યો છે. આ સંદર્ભે તેમણે શહેરમાં બેનર મારવાના પણ શરૂ કરી દીધા છે.
આપના નેતાઓનું કહેવું છે કે સુરત મહાનગરપાલિકામાં છેલ્લા ૨૭ વર્ષથી ભારતીય જનતા પાર્ટી સત્તાપક્ષમાં શહેરની પ્રજાએ તેમની સુવિધાઓમાં વધારો કરશો એવા શુભ આશયથી સતત બેસાડેલ છે તેમજ તમારા શાસનકાળ દરમ્યાન સુરત મહાનગરપાલિકાએ અનેક ચઢાવ ઉતાર જાેયા છે. તથા સુરત મહાનગરની જનતાએ પોતાના ભાગનો ટેક્સ હમેંશા સમયસર ભર્યો છે. એના ફળસ્વરૂપ એક સમય એવો પણ હતો કે સુરત મહાનગરપાલિકાના જકાતના અબજાે રુપિયા ડીપોસીટ રૂપે જમા રહેતા હતા પરંતુ આજે એ જ ભારતીય જનતા પાર્ટી ના સત્તારૂઢો દ્વ્રારા પાલિકાને ખાનગી પેઢીની જેમ ચલાવી હવે હાલત એટલી હદે ખરાબ કરી દીધી છે કે પાલિકાની તિજાેરી તળિયાઝાટક કરી દીધી છે.
આવા સમયે સૂઝબુઝમા અણસૂઝ ધરાવતી ભારતીય જનતા પાર્ટીની ચુંટાયેલી પાંખ સુરત શહેરની જનતાની માલિકીના રીઝર્વેશનના પ્લોટો વેચીને રુપિયા ભેગા કરવા માંગે છે.,પણ હકીકત એ છે કે, આ રીતે મિલકતો વેચવાથી ક્યારેય સમસ્યા કાયમી સમાધાન ન થઈ શકે. વર્ષ-૨૦૦૬મા સુરત મહાનગરપાલિકાની મહામુલી જકાતની આવક બંધ કરાવવામાં આવી ત્યારે છેલ્લી આવક ૬૦૦ કરોડ હતી. રાજ્ય સરકારે એની અવેજમા આપણને એ રકમ વધતા ગ્રોથ પ્રમાણે આપવાની બાહેંધરી આપવામાં આવેલ હતી.
એ આજે ૧૫ વર્ષે વધીને ફક્ત ૭૦૦ કરોડ આસપાસ જ આપવામા આવે છે. પરંતુ હકીકતમાં એ જકાતના ગ્રોથ પ્રમાણે આજે સુરત મહાનગરપાલિકાને કમસેકમ ૧૮૦૦ કરોડ કરતા વધારે મળવાપાત્ર છે જે ન આપીને રાજ્ય સરકાર શહેરની જનતાને ઘોર અન્યાય કરી રહેલ છે જેનુ નુકશાન આજે આપણી પાલિકાએ અને પ્રજાને ભોગવવુ પડે છે. સુરત મહાનગરપાલિકામા બેઠેલા સત્તાધીશો રાજ્ય સરકાર પાસે પોતાના હકના પૈસા માંગી શકતી નથી એટલે અરબો રુપિયાના સુરતની જનતાના હિતના કામકાજના પ્લોટો વેચીને સુરતનુ તથા પ્રજાનું અહિત ઈચ્છતા ભારતીય જનતા પાર્ટીના શાસનના આ પ્રજા વિરોધી ર્નિણયનો અમે વિરોધ કરીએ છીએ.
આ પ્લોટ ખરીદનારા લોકોને પણ વિનંતી સાથે ચેતવણી આપીએ છીએ કે આ પ્લોટ સુરતની દેશપ્રેમી જનતાના છે. એ પ્લોટો આપ ખરીદીને શહેરની જનતાને મળવાપાત્ર સુવિધાથી વંચિત કરતા હોય તે ખરીદનારા ક્યારેય સુખી થયી શકસો નહીં. આ સત્તા તો આજે કોઈની પાસે છે, આવતીકાલે કોઈ અન્ય પાસે હશે,
આ પ્લોટની ખરીદી ન કરવા માટે આપને સુરતની જનતા તરફથી વિનંતી કરુ છુ અને જાે ખરીદી કરશો તો તમારો પણ વિરોધ થ?? અને તમે ધારેલા પ્રોજેક્ટ ત્યાં થવા દઈશુ નહીં, કારણ કે સુરતની જનતાએ પોતાના પરસેવાની કમાણીમાથી પોતાની મિલ્કત ખરીદી કરતી વખતે ૪૦ ટકા જગ્યા ભાવી સુવિધાઓ મેળવવા કપાત કરીને મહાનગરપાલિકાને આપેલી છે, એમનો હેતુ ફક્ત ને એટલો જ હોય કે સુરત શહેર માટે ત્યાં કોઈક ને કોઈક જનહિત ના પ્રોજેકટ બને માટે આ પ્રેસ કોન્ફરન્સના માધ્યમ થી સુરત ની જનતા ને એ જાણ કરીએ છીએ કે તમે ચુંટેલા પ્રતિનિધીઓ તમારા હિતના ર્નિણય ન લઈને એમના મળતિયાઓને લાભ પહોંચાડવા માટે તમારી એટલે કે, જનતાની માલિકીના પ્લોટો વેચવા માંગે છે તો એમને જઈને તમારે પૂછવુ જાેઈએ કે શા માટે અમારા પ્લોટો વેચી રહ્યા છો ?