સોનુ સૂદના પોસ્ટર પર ચાહકોએ દૂધથી અભિષેક કરતા કવિતા કૌશિક ભડકી

કોરોનાકાળમાં સોનુ સૂદ સતત મદદ કરતો આવ્યો છે અને આથી જ તે ચાહકોમાં મસીહા તરીકે ઊભરી આવ્યો છે. હાલમાં જ આંધ્ર પ્રદેશમાં સોનુ સૂદના મોટા પોસ્ટર પર દૂધનો અભિષેક કરવામાં આવ્યો હતો. સોનુ સૂદે આ વીડિયો સો.મીડિયામાં શૅર કર્યો હતો. જાેકે, ટીવી એક્ટ્રેસ કવિતા કૌશિકે આ વીડિયો સામે નારાજગી પ્રગટ કરી હતી.
આંધ્ર પ્રદેશના ચિત્તૂર જિલ્લામાં શ્રીકલાહસ્તી વિસ્તારમાં સોનુ સૂદની મોટી તસવીર મૂકવામાં આવી હતી અને લોકોએ તેના પર દૂધનો અભિષેક કર્યો હતો. પુલી શ્રીકાંતે આ ઈવેન્ટ ઓર્ગેનાઈઝ કરી હતી. લોકોએ સોનુ સૂદનો આભાર માનવા માટે દૂધના અભિષેકનું આયોજન કર્યું હતું.
સોનુ સૂદે સો.મીડિયામાં આ વીડિયો શૅર કર્યો હતો અને આભાર માન્યો હતો.
કવિતા કૌશિકે સો.મીડિયામાં આ વીડિયો જાેયો હતો અને તેણે આ અંગે નારાજગી વ્યક્ત કરી હતી. તેણે કહ્યું હતું કે સારા કામની આ રીતે પ્રશંસા કરી શકાય નહીં. તેણે વીડિયો સ્ક્રીનશોટ શૅર કરીને કહ્યું હતું, ‘આપણે બધઆ સોનુ સૂદને પ્રેમ કરીએ છીએ અને દેશ તેના કામ પ્રત્યે કૃતજ્ઞ છે. જાેકે, સોનુને પણ આ મૂખાર્મી ભર્યું કામ નહીં જ ગમ્યું હોય એ નક્કી છે. જ્યારે એકબાજુ લોકો ભૂખથી મરી રહ્યાં છે, ત્યારે દૂધનો આ રીતે વેડફાટ કરવો યોગ્ય નથી. શા માટે આપણે દરેક બાબતમાં વધુ પડતું વર્તન કરીએ છીએ.??!!’
તાજેતરમાં જ સોનુ સૂદે સો.મીડિયામાં ડૉક્ટર્સને સવાલ કરતી પોસ્ટ શૅર કરી હતી, જેમાં એક્ટરે પૂછ્યું હતું, ‘એક સરળ સવાલ છે. જ્યારે દરેકને ખબર છે કે એક ખાસ ઈન્જેક્શન ક્યાંય મળતું નથી તો દરેક ડૉક્ટર તે જ ઈન્જેક્શનને કેમ લખે છે. જ્યારે હોસ્પિટલ્સને દવાઓ નથી મળતી તો સામાન્ય વ્યક્તિને કેવી રીતે દવા મળશે. શા માટે આપણે તે દવાઓની સબસ્ટીટ્યૂટ યુઝ નથી કરતાં અને જીવ નથી બચાવતા.’