સૌરાષ્ટ્ર ઝોન પ્રભારી રામકિશન ઓઝાની આગેવાનીમાં અમરેલી જિલ્લા કોંગ્રેસ કારોબારીની મીટીંગ યોજાઇ

અમરેલી જિલ્લા કોંગ્રેસ કાર્યાલય ખાતે અમરેલી જિલ્લા સમિતિની કારોબારી મીટીંગનું આયોજન કરવામાં આવેલ હતું. આ મીટીંગમાં કોંગ્રેસના સૌરાષ્ટ્ર ઝોનના
પ્રભારી રામકિશનભાઇ ઓઝા, પુર્વ કેન્દ્રીય મંત્રી અને કોંગ્રેસના આગેવાનશ્રી નારણભાઇ રાઠવા, પ્રદેશ મહામંત્રી શ્રી જશવંતભાઇ ભાઈ ઉપસ્થિત રહયા હતા.
આ મીટીંગમાં તા. ર૪, રપ, ર૬ સપ્ટેમ્બર ર૦રર દરમિયાન મારૂ બુથ મારૂ ગૌરવ કાર્યક્રમ અંતર્ગત દરેક વિધાનસભાના દરેક બુથમાં ”કોંગ્રેસના ૮ વચન” ની પત્રિકા મતદાતાઓના નિવાસસ્થાને અથવા તો સ્થાનિક બજારમાં, દુકાને દુકાને વિતરણ કરવાની કામગીરી હાથ ધરવા બેઠકમાં ઉપસ્થિત તાલુકા / શહેર પ્રમુખો અને અગ્રણીઓને પ્રભારી રામકિશનભાઇ ઓઝા દવારા માર્ગદર્શન આપવામાં આવેલ હતું. ત્યારબાદ આ મીટીંગ પુર્ણ થયે અમરેલી જિલ્લા વિધાનસભાની ચુંટણીમાં પોતાની દાવેદારી નોંધાવનાર તમામ આવેદકોને રામકિશનભાઇ ઓઝા તથા નારણભાઇ રાઠવા દવારા રૂબરૂ વાતચીત કરી
તેમના સેન્સ લેવામાં આવેલ હતા.