સ્વિસ બેંક ખાતાની વિગતોનો ત્રીજાે સેટ આ મહિને ભારતને આપશે

ભારતને સ્વિસ બેંકો તરફથી ભારતીયોની ખાતાની માહિતી સૌૈથી પહેલા સપ્ટેમ્બર, ૨૦૧૯મા મળી હતી જ્યારે માહિતીના બીજા સેટને સપ્ટેમ્બર ૨૦૨૦માં ભારતને સોપવામાં આવ્યો હતો. તેથી હાલ સપ્ટેમ્બર મહિનો હોવાથી ત્રીજાે સેટ પણ ભારત આવવાની તૈયારીમાં છે. જાેકે આ વખતની માહિતીમાં મોટી સંખ્યામાં ભારતીયોની વિગતો મળી શકે છે. કેમ કે પ્રથમ વખત રીઅલ એસ્ટેટની માહિતી પણ સોપાશે, તેથી મોટી કંપનીઓ અને બિલ્ડર લોબીના બેંકોમાં જમા નાણા સહિતની વિગતો મોટી સંખ્યામાં મળે તેવી શક્યતાઓ છે. ભારત અને સ્વિત્ઝર્લેન્ડ વચ્ચે થયેલા કરારો અંતર્ગત સ્વિસ બેંકો દ્વારા ભારતીયોના ખાતા, નાણા અને સંપત્તિ અંગેની માહિતીનો ત્રીજાે સેટ આ મહિને ભારતને સોપવામાં આવશે. જાેકે પ્રથમ વખત સ્વિત્ઝર્લેન્ડમાં ભારતીયો પાસે કેટલી સંપત્તિ રીઅલ એસ્ટેટમાં છે તેની માહિતી પણ ભારતને સોપવામાં આવશે. કાળા નાણા સામેની કાર્યવાહીના ભાગરુપે ભારતને આ માહિતી સ્વિસ બેંકો તરફથી અગાઉ બે વખત મળી ચુકી છે. પ્રથમ વખત સ્વિત્ઝર્લેન્ડમાં ભારતીયોની માલિકીના ફ્લેટ્‌સ, એપાર્ટમેન્ટ્‌સ સહિતની માહિતી આપવામાં આવશે. આ સંપૂર્ણ માહિતી આ મહિનાના અંત સુધીમાં ભારતને સોપવામાં આવશે. આ માહિતી મળ્યા બાદ તેની ચકાસણી કરવામાં આવશે અને તેમાં બ્લેક મની કેટલી છે તેનું અલગથી તારણ કાઢવામાં આવશે. ભારતીઓની રીઅલ એસ્ટેટની સંપત્તિ સાથે સંકળાયેલી માહિતી આપવામાં આવશે તેમાં આ સંપત્તિ દ્વારા કેટલી કમાણી કરવામાં આવી તેની વિગતો પણ સામેલ કરવામાં આવશે.

સરકાર એ તપાસ કરશે કે આવી સંપત્તિ અને તેનાથી થયેલી કમાણી વગેરેને ભારતમાં ટેક્સ ભરવામાં આવ્યો તેની સાથે કોઇ નાતો છે કે કેમ. એવા અહેવાલો છે કે આ મહિનાના અંત સુધીમાં આ સંપૂર્ણ માહિતી ભારતને સ્વિત્ઝર્લેન્ડ દ્વારા સોપવામાં આવશે. નોંધનીય છે કે આ વર્ષે જુલાઇ મહિનામાં સરકારે લોકસભામાં જણાવ્યું હતું કે છેલ્લા ૧૦ વર્ષમાં વિદેશમાં કેટલુ કાળુ નાણુ ગયું તેની કોઇ સત્તાવાર માહિતી નથી. જાેકે સરકાર આવા કોઇ પણ પ્રકારના નાણાને પકડી પાડવાના પ્રયાસો કરી રહી છે. એટલે કે વિદેશમાં ૧૦ વર્ષમાં કેટલુ કાળુ નાણુ મોકલવામાં આવ્યું તેનો કોઇ જ ચોક્કસ સત્તાવાર આંકડો સરકાર પાસે નથી. જાેકે આ વખતે પહેલી વખત સ્વિત્ઝર્લેન્ડ સરકાર ભારતીયોની સંપત્તિની જાણકારી આપવા જઇ રહી છે. એવામાં સ્વિત્ઝર્લેન્ડમાં ભારતીયોના રોકાણના બિઝનેસ સાથે સંકળાયેલા બિઝનેસમેન અને અધિકારીઓએ કહ્યું છે કે સ્વિત્ઝર્લેન્ડ સરકારે વિદેશીઓની સંપત્તિની જાણકારી જાહેર કરવાનો ર્નિણય લીધો છે તેને આવકારીઓ છીએ.