હિંમતનગર GIDC ઓવરબ્રિજ પાસે ત્રિપલ અકસ્માતમાં એક યુવકનું મોત, ત્રણ ઘાયલ

હિંમતનગર ના ય્ૈંડ્ઢઝ્ર ઓવરબ્રિજ પાસે ત્રિપલ અકસ્માતની ઘટના બની હતી જેમાં એક યુવકનું મોત થયું હતું અને ત્રણને ઇજા થઈ હતી. આ માર્ગ અકસ્માત એક કાર, બાઇક અને મોપેડ વચ્ચે થયો હતો. ત્રણ ઇજાગ્રસ્તોને ૧૦૮ દ્વારા સિવિલ હોસ્પિટલ ખસેડવામાં આવ્યા હતા. આ અકસ્માતમાં મૃતકને પીએમ માટે હોસ્પિટલ ખસેડવામાં આવ્યો હતો. મોપેડ સવારે બે સગા ભાઈઓને હડફેટે લેતા એકનું મોત થયું હતું.

પોલીસે ઘટનાસ્થળે પહોંચીને તપાસ હાથ ધરી છે. અહીં કાર બેફામ આવી રહી હતી અને તેણે મોતીપુરા જીઆઇડીસી પાસે બે વાહનોને ટક્કર મારી તેના પગલે એકનું મોત થયું હતું. એક્ટિવા અને બાઇકને ટક્કર વાગતા એકનું ઘટનાસ્થળે મોત થયું હતું અને બીજાે હાલમાં હોસ્પિટલમાં જીવનમરણ વચ્ચે ઝોલા ખાઈ રહ્યો છે. આ અકસ્માતમાં ચાર જણાને ગંભીર ઇજા થતા હોસ્પિટલ ખસેડવામાં આવ્યા છે. પોલીસે ઘટનાસ્થળે પહોંચીને વધુ તપાસ હાથ ધરી છે. નેશનલ હાઇવે પર વધેલા માર્ગ અકસ્માતોના લીધે સ્થાનિક લોકોમાં જબરદસ્ત આક્રોશ છે.