હિઝબુલ્લાહ પેજર હુમલામાં મોટો ઘટસ્ફોટ, તાઇવાની કંપનીએ યુરોપ કનેક્શનને જણાવ્યું

લેબનોનમાં હિઝબુલ્લાહ લડવૈયાઓ અને સભ્યો પર પેજર હુમલાએ સમગ્ર વિશ્વમાં સનસનાટી મચાવી દીધી છે. આ પેજર બ્લાસ્ટને તાઈવાનની કંપની ગોલ્ડ એપોલો સાથે પણ જાેડવામાં આવી રહી છે. કારણ કે હિઝબુલ્લાહે તાઈવાનની એક કંપનીને પેજર મંગાવ્યું હતું, આ વાતની જાણ થતાં જ તાઈવાન પોલીસ ગોલ્ડ એપોલો કંપનીની ઓફિસે પહોંચી ગઈ હતી. કંપનીના સ્થાપક હસુ ચિંગ-કુઆંગે મીડિયાને જણાવ્યું હતું કે લેબનોનમાં મંગળવારના વિસ્ફોટોમાં ઉપયોગમાં લેવાતા પેજર કંપનીએ બનાવ્યા નથી. તેમણે કહ્યું કે બ્લાસ્ટમાં ઉપયોગમાં લેવાતા પેજર યુરોપિયન કંપની દ્વારા બનાવવામાં આવ્યા હતા, જેને તાઈવાનની કંપનીના બ્રાન્ડ નામનો ઉપયોગ કરવાનો અધિકાર છે. તાઈવાની કંપનીનું કહેવું છે કે તેઓએ આ મોડલના પેજર બનાવવા માટેનો પેટા કોન્ટ્રાક્ટ યુરોપિયન કંપની મ્છઝ્ર કન્સલ્ટિંગ દ્ભહ્લ્‌ને આપ્યો છે અને તેના ઘટકો ત્રીજા પક્ષ પાસેથી મેળવવામાં આવ્યા છે.

કંપનીના માલિક હસુ ચિંગ-કુઆંગે કહ્યું કે માત્ર હિઝબુલ્લાહ જ નહીં પરંતુ કંપની પણ આ હુમલાનો શિકાર છે. તેણે કહ્યું, “અમે એક જવાબદાર કંપની છીએ. આ અમારા માટે ખૂબ જ શરમજનક છે.” હિઝબોલ્લાહ લડવૈયાઓએ પેજરનો ઉપયોગ એ વિશ્વાસ સાથે શરૂ કર્યો હતો કે આનાથી તેઓ તેમની સ્થિતિ પર ઇઝરાયેલની દેખરેખથી બચી શકશે, પરંતુ ઇઝરાયેલે તેમની સામે આ જ તકનીકનો ઉપયોગ કર્યો છે. ન્યૂઝ એજન્સી રોઈટર્સ દ્વારા વિસ્ફોટમાં નાશ પામેલા પેજરના ફોટોગ્રાફ્સનું વિશ્લેષણ કરવામાં આવ્યું હતું, જેમાં બતાવવામાં આવ્યું હતું કે પીઠ પર લાગેલા સ્ટીકરો ગોલ્ડ એપોલો કંપનીના છે. એક વરિષ્ઠ લેબનીઝ સુરક્ષા સૂત્રએ રોઇટર્સને જણાવ્યું હતું કે હિઝબુલ્લાહે તાઇવાન સ્થિત ગોલ્ડ એપોલો પાસેથી ૫,૦૦૦ પેજરનો ઓર્ડર આપ્યો હતો. મંગળવારે લેબનોન અને સીરિયામાં લેબનીઝ સભ્યોના પેજર્સ વિસ્ફોટ થવા લાગ્યા, જેના કારણે લગભગ ૩ હજાર હિઝબુલ્લાહ લડવૈયાઓ અને નાગરિકો ઘાયલ થયા અને લગભગ ૧૧ના મોત થયાના અહેવાલ છે. હિઝબુલ્લાએ આ હુમલા માટે ઈઝરાયેલને જવાબદાર ઠેરવ્યું છે. જાે કે આ અંગે ઈઝરાયેલ તરફથી કોઈ નિવેદન આવ્યું નથી. સાથે જ અમેરિકાએ હિઝબુલ્લા ઈરાનને શાંતિ જાળવી રાખવાની અપીલ કરી છે.