હિટવેવની આગાહી: ગરમીથી બચવા માટે પીવો ‘કાચી કેરીનો બાફલો’, આ રીતે બનાવો ઘરે

આગામી દિવસોમાં હિટવેવની આગાહી છે ત્યારે આ ગરમીથી બચવું ખૂબ જરૂરી છે. તમે આ ગરમીમાં પોતાનું ધ્યાન રાખતા નથી તો અનેક હેલ્થ પ્રોબ્લેમ્સ થવા લાગે છે. આ ગરમીમાં ચક્કર આવવા, માથુ દુખવુ જેવી બીજી અનેક સમસ્યાઓ થવા લાગે છે. આ ગરમીની સૌથી મોટી અસર સ્કિન પર પણ થાય છે. આમ, જો તમે આ બધી જ સમસ્યાઓથી બચવા ઇચ્છો છો તો કેરીનો બાફલો તમારે દિવસમાં એક વાર અચુક પીવો જોઇએ. આ પીવાથી તમને લૂ નહિં લાગે અને સાથે તમારી સ્ટેમિના પણ રહેશે.

સામગ્રી

100 ગ્રામ કાચી કેરી

3-4 ગ્લાસ પાણી

100 ગ્રામ ગોળ

1/4 ટી સ્પૂન મરચું

1/2 ટી સ્પૂન શેકેલું જીરું

સ્વાદાનુંસાર મીઠુ

બનાવવાની રીત

• કેરીનો બાફલો બનાવવા માટે સૌ પ્રથમ કેરીને બરાબર ધોઈ લો.
• ત્યારબાદ છોડાં સાથે બાફીને તેનો ગર કાઢી લો.
• હવે એક વાસણમાં 3-4 ગ્લાસ પાણી લો અને એમાં ગોળનો ભૂકો ઓગાળો.
• ત્યારબાદ હેન્ડ મિક્સરથી તેને એક રસ કરી લો.
• તેમાં મીઠું, મરચું અને શેકેલું જીરું ઉમેરો.
• ફ્રિજમાં ઠંડુ કરીને હવે સર્વ કરો.
• તો તૈયાર છે કાચી કેરીનો બાફલો.
• કાચી કેરીનો બાફલો દરેક લોકોએ ઉનાળામાં પીવો જોઇએ.
• આ પીવાથી તમે ગરમીથી બચી શકો છો અને સાથે લૂ પણ લાગતી નથી.
• કાચી કેરી અનેક પોષક તત્વોથી ભરપૂર હોય છે જેના કારણે ગરમી સામે બચાવવા માટેની પૂરતી તાકાત ધરાવે છે.
• તમે કાચી કેરીનો બાફલો બળકોને ગરમીમાં પીવડાવો છો તો પણ સૌથી બેસ્ટ છે.