હિન્દુ સેનાએ ગૃહમંત્રી અમિત શાહને પત્ર લખીને દેશમાં મુસ્લિમો પાસેથી લઘુમતીનો દરજ્જાે પાછો ખેંચવાની માંગ કરી છે

દેશમાં ફરી એકવાર મુસ્લિમોનો લઘુમતી દરજ્જાે પાછો ખેંચવાની માંગ ઉઠી છે. હકીકતમાં, હિન્દુત્વ સંગઠન હિન્દુ સેનાના પ્રમુખ વિષ્ણુ ગુપ્તાએ બુધવારે ગૃહમંત્રી અમિત શાહને પત્ર લખ્યો હતો. પોતાના પત્રમાં તેમણે ગૃહમંત્રીને દેશમાં મુસ્લિમો પાસેથી લઘુમતીનો દરજ્જાે પાછો ખેંચવાની માંગ કરી છે. પત્રમાં ગુપ્તાએ લખ્યું છે કે દેશમાં હિંદુઓ પછી મુસ્લિમોની વસ્તી સૌથી વધુ છે, તેથી તેમને લઘુમતી નહીં પરંતુ બીજા બહુમતીનો દરજ્જાે આપવો જાેઈએ. ગૃહમંત્રીને લખેલા પત્રમાં હિંદુ સેના પ્રમુખે કહ્યું કે દેશમાં મુસ્લિમોને લઘુમતીનો દરજ્જાે આપવાને કારણે અન્ય લઘુમતી સમૂહોને આ અધિકારથી વંચિત રાખવામાં આવી રહ્યા છે.

પત્રમાં કહેવામાં આવ્યું છે કે દેશના અન્ય જૂથો જેમ કે જૈન, બૌદ્ધ, શીખ, પારસી, ખ્રિસ્તી અને યહૂદીઓને લઘુમતીનો લાભ મળવો જાેઈએ. આ માટે મુસ્લિમો પાસેથી લઘુમતીનો દરજ્જાે પાછો ખેંચી લેવો જાેઈએ.હિન્દુ સેનાએ ૨૦૨૧માં હિન્દુઓને લઘુમતીનો દરજ્જાે આપવાની માંગ કરી છે. ૨૦૨૧માં સેનાએ ગૃહ મંત્રાલયને પત્ર લખીને દેશના નવ રાજ્યોમાં હિન્દુઓને લઘુમતીનો દરજ્જાે આપવાની માંગ કરી હતી. પત્રમાં હિન્દુ સેનાએ કહ્યું હતું કે લદ્દાખ, લક્ષદ્વીપ, કાશ્મીર, નાગાલેન્ડ, મેઘાલય, અરુણાચલ, પંજાબ અને મણિપુરમાં હિન્દુઓની લઘુમતી વસ્તી છે, તેથી તેમને ત્યાં લઘુમતીનો દરજ્જાે મળવો જાેઈએ. ૨૦૧૧ની વસ્તી ગણતરી મુજબ દેશમાં લઘુમતીઓની કુલ વસ્તી ૧૯.૩ ટકા છે. દેશમાં, મુસ્લિમ, ખ્રિસ્તી, શીખ, બૌદ્ધ, જૈન અને પારસી રાષ્ટ્રીય લઘુમતી અધિનિયમ, ૧૯૯૨ ની કલમ ૨ (ઝ્ર) હેઠળ લઘુમતીનો દરજ્જાે ધરાવે છે. ભારતીય બંધારણમાં કલમ ૨૯ અને ૩૦ હેઠળ એવી જાેગવાઈ છે કે ધર્મ અને ભાષાના આધારે કોઈને લઘુમતીનો દરજ્જાે આપી શકાય છે. લઘુમતીનો દરજ્જાે મળવાથી સમુદાયને અનેક વિશેષ અધિકારો મળે છે.