હિમાચલમાં વરસાદ અને હિમવર્ષાથી ૬ હજાર જેટલા પ્રવાસીઓના જીવ તાળવે ચોટયા

હિમાચલ પ્રદેશમાં વરસાદ અને હિમવર્ષાને કારણે બેવડી મુશ્કેલી ઉભી થઈ છે. ખાસ કરીને અહીં દેશભરમાંથી પ્રવાસીઓ ફરવા માટે આવતા હોય છે. આ સિઝનમાં આવતા પ્રવાસીઓની હાલ હાલત ખરાબ થઈ ગઈ છે. ભારે હિમવર્ષા અને વરસાદને પગલે મોટી સંખ્યામાં પ્રવાસીઓ અહીંની અટલ ટનલમાં ફસાયા હોવાની ખબર પણ સામે આવી હતી. જાેકે, તંત્રએ ભારે જહેમત બાદ અટલ ટનલમાં ફસાયેલા ૬૦૦૦ પ્રવાસીઓને બચાવી લીધાં છે. હાલ તેમને સુરક્ષિત સ્થળે મોકલી દેવામાં આવ્યાં છે. એવી પણ વાત સૂત્રો જણાવી રહ્યાં છેકે, અટલમાં ફસાયેલાં પ્રવાસીઓ દેશના વિવિધ રાજ્યોમાંથી અહીં આવ્યાં હતાં. જેમાં ગુજરાતીઓનો પણ સમાવેશ થાય છે.

હિમાચલ પ્રદેશના ઘણા વિસ્તારોમાં ભારે વરસાદ અને હિમવર્ષા થઈ છે. હવામાનના આ બેવડા હુમલાએ મુશ્કેલી ઉભી કરી. ત્રણ રાષ્ટ્રીય ધોરીમાર્ગો અને ૬૦ રસ્તાઓ બંધ કરવા પડ્યા. લાહૌલ અને સ્પીતિને કુલ્લુથી જાેડતી અટલ ટનલ પણ હિમવર્ષાને કારણે પ્રભાવિત થઈ હતી. ટનલના દક્ષિણ પોર્ટલ પર લગભગ ૫ ઈંચ હિમવર્ષા નોંધાઈ હતી. અહેવાલો અનુસાર, લગભગ ૬,૦૦૦ પ્રવાસીઓ અહીં ૧,૫૦૦ વાહનોમાં અટવાયા હતા. પોલીસ અને સ્થાનિક વહીવટીતંત્રની મદદથી તેને સુરક્ષિત રીતે બચાવી લેવામાં આવ્યો હતો. હિમાચલના ઉપરના વિસ્તારોમાં છેલ્લા ૨૪ કલાકથી સતત ભારે હિમવર્ષા થઈ રહી છે. નીચાણવાળા વિસ્તારોમાં ભારે વરસાદ સાથે કરા પણ પડ્યા હતા. હિમાચલના ઘણા ભાગોમાં હિમવર્ષા અને વરસાદને કારણે તાપમાનમાં નોંધપાત્ર ઘટાડો થયો છે. હમીરપુરમાં -૧૧.૧ ડિગ્રી સેલ્સિયસ તાપમાન નોંધાયું હતું. મોટાભાગના ઉપલા વિસ્તારોમાં તાપમાન -૬ થી -૧૩ ડિગ્રીની વચ્ચે પહોંચી ગયું છે. હવામાન વિભાગના જણાવ્યા અનુસાર આગામી બે દિવસ સુધી વરસાદથી રાહત મળવાની કોઈ આશા નથી. હા, તેની તીવ્રતા ચોક્કસપણે ઘટી શકે છે. ૨ મે પછી હવામાનમાં સુધારો થવાની આશા છે.

હિમવર્ષાના કારણે રસ્તાઓ પર બરફની જાડી ચાદર જામી ગઈ છે. નાયબ પોલીસ અધિક્ષક (ડીએસપી) કેડી શર્માના જણાવ્યા અનુસાર, ‘અટલ ટનલના દક્ષિણ પોર્ટલ પર બરફથી ભરેલા રસ્તા પર લગભગ ૧૦૦૦ વાહનો અટવાઈ પડ્યા હતા.’ અટલ ટનલ લાહૌલ અને સ્પીતિ જિલ્લાઓને કુલ્લુ સાથે જાેડે છે. તેના દક્ષિણ પોર્ટલ પર ફસાયેલા લગભગ ૬,૦૦૦ પ્રવાસીઓને સફળતાપૂર્વક બચાવી લેવામાં આવ્યા હતા. શર્માના જણાવ્યા અનુસાર, વાહનોને મનાલી, સોલંગ અને પલચનમાં સુરક્ષિત રીતે લાવવામાં આવ્યા હતા. સોમવારે સવારે પણ અટલ ટનલ પાસે હિમવર્ષા થઈ હતી. શિમલાની સાથે કાંગડા અને અન્ય વિસ્તારોમાં વરસાદના અહેવાલ છે. ચંબામાં ૧૧.૦ મીમી, સીઓબાગમાં ૭.૮ મીમી, તિસા અને ભરમૌરમાં ૪.૦ મીમી, ડેલહાઉસીમાં ૩.૦૦ મીમી અને જાેટમાં ૨.૪ મીમી વરસાદ નોંધાયો છે. મનાલીમાં ૨.૦ મીમી વરસાદ નોંધાયો હતો, જ્યારે કુકુમસેરીમાં ૧.૬ મીમી વરસાદ નોંધાયો હતો.

ભારતીય હવામાન વિભાગ (ૈંસ્ડ્ઢ) એ મંગળવારે હિમાચલ પ્રદેશ માટે યલો એલર્ટ જાહેર કર્યું છે. ઘણા વિસ્તારોમાં હળવોથી મધ્યમ વરસાદ પડી શકે છે. જાેરદાર પવન (૩૦-૪૦ કિલોમીટર પ્રતિ કલાક) સાથે વીજળી પડવાની પણ શક્યતા છે. ૈંસ્ડ્ઢ અનુસાર, સોલન, બિલાસપુર, શિમલા, મંડી, હમીરપુર જેવા જિલ્લાઓમાં હવામાન ખરાબ રહેશે. લાહૌલ-સ્પીતિ, કુલ્લુ અને કિન્નૌરમાં ઘણી જગ્યાએ વરસાદની સંભાવના છે. ૈંસ્ડ્ઢ અનુસાર, બુધવારથી હવામાનમાં થોડી રાહત થશે. જાે કે, ૪ મેથી પશ્ચિમ હિમાલયન ક્ષેત્રને નવી વેસ્ટર્ન ડિસ્ટર્બન્સ અસર કરી શકે છે. આ કારણે હિમાચલમાં ૪ અને ૫ મેના રોજ યલો એલર્ટ જાહેર કરવામાં આવી શકે છે.